Níu litlir negrastrákar, sem drepast á fyndinn hátt.

Ég verð að viðurkenna að eftir lestur greinar í Fréttablaðinu í dag ásamt myndum úr bókinni er ég hreint ekki hrifinn af endurútgáfunni.  Ég hef reyndar litlar áhyggjur af orðinu "negri" en mun meiri áhyggjur af myndskreytingunni og söguþráðnum.   Myndirnar sýna varla neina negrastráka, mun frekar einhverskonar apa eða ...einhver önnur dýr...tæplega menn.  Söguþráðurinn snýst síðan um það hvernig þessir svörtu óvitar drepast á klaufalegan hátt.

Ég skil vel vandræði þeirra foreldra, sem eiga þeldökk börn og velta því fyrir sér hvernig best sé að útskýra söguþráð og myndefni þessarar bókar.   Foreldar í slíkri stöðu á Íslandi eru eflaust fjölmargir.

Skemmtilegt frí að baki

Ferð okkar Guggu norður á Akureyri heppnaðist vel í flesta staði.  Veðrið var gott allan tímann og íbúðin sem við dvöldum í var bæði mjög góð og miðsvæðiðs.  Þar sem nokkuð er langt um liðið síðan við vorum í höfustað Norðurlands síðast var þetta eins og góð endurkynni.

En vinir okkar norðan heiða áttu samt stærsta þátt í því að gera ferðina svo skemmtilega.  Við vorum annaðhvort drifin inn í kaffi eða boðið í mat. Í ofanálag fengum við bíl að láni.

Það eina sem skyggir á ferðina er að mér tókst að krækja mér í kvef, sem er að reynast mér óvenju þreytandi.

Frí framundan

Þá er komið að vetrarfríi hjá mér.  Verð í fríi næstu sex daga. Gugga á inni smá sumarfrí og tekur sér líka langa helgi.  Við  fljúgum svo á Akureyri á föstudag og verðum þar í hjónaorlofi fram á mánudag. Reynum að heimsækja vini og kunningja í leiðinni.   Það er orðið langt síðan við vorum síðast á Akureyri, en meðan við bjuggum á Siglufirði þá fórum við reglulega þangað.  Svo þetta verður örugglega gaman.

Gamalt fólk gleymist æ oftar

Mér hefur undanfarin ár sem ég lesi stöðugt fleiri og fleiri fréttir af gömlu fólki sem virðist eiga engan að eða er algjörlega gleymt.  Getur verið að þetta sé virkilega að aukast í samfélagi okkar ?

 

Frelsuð eftir 70 ára vist á stofnunum

Bónus dottinn af stalli sínum

Nú lýsa Bónusmenn verðkönnunum stríð á hendur.  Þær sýna nefnilega ekki lengur Bónus með lægsta matvöruverðið.  Bónusmenn reyna gera verðkannanir ASÍ tortryggilegar og til að bíta höfuðið af skömminni á ekki að taka þátt í fleiri verðkönnunum.

Eina leiðin til þess að átta sig á því að Bónus sé með lægsta matvöruverðið er því að trúa algjörlega auglýsingum þeirra í framtíðinni.

 

Er svona olía bragðlaus ?

Ég hefði fyrirfram haldið að það væri erfitt að byrla olíum almennt í samlokur...en það virðist vera hægt.  Alla vega má skilja á fréttinni að nemendurnir hafi borðað þessar samlokur.  Er virkilega ekkert bragð af laxerolíu ?

Annars hélt ég alltaf þegar ég var lítill að þetta væri laxaolía og ímyndaði mér að hún hlyti að vera lík lýsi á bragðið.  En þannig braðgast hún sennilega ekki því þá hefði enginn komið niður bita.

Laxerolía í samlokum í Brekkubæjarskóla á Akranesi

Góð helgi að baki

Helgin hófst á föstudegi kl. 11.00 á því að ég ásamt fjórum öðrum stjórnendum úr Vallaskóla fórum á Námsstefnu Skólastjórafélags Íslands, sem haldin var í Keflavík.  Námstefnan stóð fram að hádegi á laugardag.  Það er alltaf svolítið sérstakt að hitta svona marga skólastjórnendur á sama stað, allavega gerist það ekki oft að nokkur hundruð slíkir hittist, fræðist og skemmti sér saman.

Í dag fórum við svo á Álftanesið að heimsækja mömmu og pabba, sem við höfðum nú varla séð síðan í sumar.  Hittum líka Helgu og Guðrúnu Evu.

Á morgun hefst svo vinnuvikan og verður hún væntanlega full af vinnu við fjárhagsáætlunargerð.

Kærum sóðana.

Lögreglan á Selfossi stendur í ströngu og er sagt frá því í sömu frétt hvernig hún gengur fram í að uppræta "snuff" og pulsubréf á götum.   Og þótt "snuff" sé ólöglegt neftóbak og slæmt fyrir heilsuna er vandamál tengt glerbrotum, óþrifnaði og sorpi á Selfossi eitthvað sem ég hef meiri áhyggjur af.   Það eru glerbrot um allan bæ eftir venjulega góðviðrissama helgi.

Svo áfram Selfosslögga ...kærum sóðana.

Verslun á Selfossi seldi „snuff"

Sjoppur eru að deyja út

Mér sýnist að sjoppurnar séu að deyja smátt og smátt út.  Það er liðin tíð að maður labbaði kvöld rúntinn sinn út í sjoppu á kvöldin til að kaupa nammi. Sjoppur, þ.e söluturnar sem selja nær eingöngu sælgæti, tóbak og gos eru á hröðu undanhaldi.  Myndbandaleigur með sjoppuhorni, eða ísbúðir með sjoppuhorni eða grill við þjóðveginn með sjoppuhorni eru enn til staðar.  Trúlega fer nú samt myndbandaleigum að fækka verulega líka.

Nú er megnið af sælgætinu keypt í kjörbúðum eða bensínstöðvum og eru ótrúlega margir metrar af hilluplássi undir slíkar vörur.  Nú er t.d orðið erfitt að kaupa lítið af nammi...t.d í Bónus er hægt að kaupa minnst þrjá Ópal pakka saman.  Og lítil kók í gleri....það þarf nú að leita að slíku.  Og þótt söluturnum fækki þá hefur aldrei verið keypt eins mikið af sælgæti og drukkið eins mikið af gosi.

 

Umbun fyrir hvað ?

Það er með ólíkindum að fyrrverandi kosningastjóri Framsóknarflokksins skuli vera umbunað í formi kaupréttar í risastóru orkufyrirtæki.  Framsóknarflokkurinn dó næstum því í kosningunum í vor.  Ég er ekki hissa á að ekki gangi vel á þeim bænum ef mælikvarðarnir eru þessari línu.

Þetta minnir mig á tyrkneskt máltæki sem  er eitthvað á þessa leið:  "Það skiptir ekki máli hver þú ert heldur hverja þú þekkir".