Vonsvikinn veitandi - vanþakklátur neytandi

Jesús sagði við hann:" Maður nokkur gerði mikla kvöldmáltíð og bauð mörgum.  Er stundin kom að veislan skyldi vera sendi hann þjón sinn að segja þeim er boðnir voru: Komið, nú er allt tilbúið.  En þeir tóku allir að afsaka sig einum munni.  Hin fyrsti sagði við hann: Ég hef keypt akur og verð að fara og líta á hann.  Ég bið þig, haf mig afsakaðan.  Annar sagði: Ég hef keypt fimm tvenndir akneyta og er á förum að reyna þau.  Ég bið þig, haf mig afsakaðan.  Og enn annar sagði:  Konu hef ég eignast, ekki get ég komið.

Þjóninn kom og tjáði herra sínum þetta.  Þá reiddist húsbóndinn og sagði við þjón sinn:  Far þú fljótt út á stræti og götur borgarinnar og leið inn hingað fátæka, örkumla, blinda og halta. Og þjóninn sagði:  Herra, það er gert sem þú bauðst og enn er rúm.  Þá sagði húsbóndinn við þjóninn:  Far þú út um stíga og vegi og þrýstu á menn að koma inn svo að hús mitt fyllist.  Því ég segi ykkur að enginn þeirra sem fyrst voru boðnir mun smakka kvöldmáltíð mína."
(Lúkas 14. 16 - 24)

Sá stóri

Jæja ég sem hélt að ég væri alveg öruggur með að lenda ekki í stórum jarðskjálfta þegar ég flutti á Selfoss 2002.  Nýbúinn stór Suðurlandsskjálfti.

En það kom ansi hressilegur skjálfti sem hafði mikinn eyðileggingarmátt. Hér á heimilinu splundruðust brothættir mundir út um allt hús.  Eyðileggingin grúfði yfir öllu. Misstum mikið af leirtaui, myndum og styttum.  Stórt safn af sérstkökum kristal sem Gugga var búin að safna síðan hún var 14 ára fór næstum allt.  Einnig erfðarmatarstell...bara eftir 4 gripir.  Hillur, borð, skápar og rafmangstæki skemmdust eða eyðulögðust. Húsið sjálft virðist vera furðu stekbyggt...en þetta er annar jarðskálftinn á 8 árum og það sér ekki á því....gæti reyndar komið eitthvað í ljós síðar.

En allir sluppu heilir í fjölskyldunni.  Enginn inni í húsinu nema hin ítalska Lucia.  Hún hafði auðvitað aldrei reynt annað eins en náði sér furðu fljótt.  Rikki minn var að leik við aðra stráka heima hjá einum þeirra og varð upplifun hans erfið.

Búið að vera mikið um að vera í Vallaskóla, en skólinn hefur verið fjöldahjálparmiðstöð síðstu sólarhringa.  Bæði skólahúsin stóðu skjálftan vel af sér.

 

Ofneysla

Þegar við heyrum orðið "ofneysla" leiðum við helst hugan að því að einhver sé að nota fíkniefni úr hófi og skaði þannig heilsu sína.

Ofneysla í vestrænu samfélagi er í mínum huga ýmislegt meira. Ef ofneysla er "neysla í svo miklum mæli að hún skaðar heilsu fólks " þá er ljóst að hún er afar víða.   Þetta á glögglega við um mat.  T.d eiga margir í erfiðleikum með þyngd, því þeir borða of mikið og þá oftast af orkuríkum mat.  Slík ofneysla er hættuleg eins og fíkinefnaneyslan.  

En á þetta þá ekki  einnig við um húsbúnað, hús, ferðalög og fl. og fl. ?  Bara ekki eins auðvelt að benda beint á það né benda beint á heilsubrestinn.  Sá sem velur að kaupa sér ýmiss þægindi sem verða til þess að hann hreyfir sig minna og minna endar með að skaða heilsu sína.  Eða að fjárfest er í miklum eignum (bílum og húsnæði) og svo unnið myrkranna á milli til að borga upp kaupin.   Hvorutveggja er ofneysla....eða minnsta kosti heilsuspillandi neysla.

Orðið langsótt kannski... en er ekki aukinn frítími sem fólk eignast einmitt mikið notaður í það að vinda ofan af  svona neyslu... fara í líkamsræktarstöðvar, slökun, nudd og námskeið um heilsufæði ? 

Orðinn 44

Þá er maður orðinn 44 ára.   Góður afmælisdagur í dag.  Þakka öllum sem komu við á Víðivöllunum fyrir innlit, kökur og gjafir.   Hlakka sérstaklega til að prófa þessa fjallagrasaspápu sem ég fékk.

 

Rosalega er umræðan að snúast

Fyrir áratug eða svo hefði ekki nokkur fjölmiðill birt frétt sem þessa.   Enginn eftirspurn eða áhugi var á upplýsingum eða rannsóknum sem þessum.

Nú er öldin önnur.  Svona upplýsingar og svona fréttir eru lesnar og settar í samhengi við líðandi stund.  Rosalega hefur umræðan verið að snúast síðustu misseri.  Sem betur fer :)

Offita stuðlar að loftslagsbreytingum

Mæðradagurinn

Móðir er kona sem á annasömum degi getur skrifað innkaupalista um leið og hún útskýrir ástæðurnar fyrir hundrað ára stríðinu, blandar græna málningu, finnur týnda ballettskóinn, þerrar hundinn nýkominn inn úr rigningunni, fylgist með kökum í ofninum og afgreiðir farandsölumann svona í leiðinni. Pam Brown.

Hversvegna ?

"Maður er af konu fæddur, lifir fáa ævidaga, fulla af eirðarleysi.  Hann vex eins og blóm og visnar, hverfur sem hvikull skuggi.  Samt hefur þú á honum vakandi auga og kallar hann fyrir dóm þinn."  (Jobsbók 14. 1-3)

Vorstilling

Nokkrir fjölskyldumeðlimir hafa verið með hálsbólgu, nefrennsli og hita með tilheyrandi óþægindum og slappleika.  Ég er einn þeirra.  Einn daginn er maður nokkuð góður en svo drulluslappur með hitavellu þann næsta.  Svona hefur þetta rúllað í viku.

Það er eins og líkaminnn sé að stilla sig inn á breytt veðurfar og bjartari daga.  Verð greinilega orðinn vel innstilltur á sumarið fljótlega.

Sterkar Dalastelpur

Glímufélag Dalamanna vann að sjálfsögðu sveitakeppni kvenna í Sveitaglímu Íslands.  Til hamingju Dalamenn !

KR, GFD og HSÞ unnu sveitaglímuna

Heimili á netinu

Þótt ég sé sáttur við að hafa bloggsíðu á Netinu og geta þar geymt myndir og deilt þeim ásamt skoðunum mínum með vinum og ættingjum þá hef ég alltaf verið spenntur fyrir því vera með eigið vefsvæði.

Slík vefsvæði hef ég eignast reglulega tímabundið í kringum áskriftir á íslenskri netþjónustu en aldrei notað þau mikið en þó er enn til gömul vefsíða http://www.ismennt.is/not/eyjst/ , sem ég hafði mikið fyrir að gera og byggja upp með þeim veftólum sem þá voru til staðar.  Nú dugar ókeypis bloggsíða ágætlega í flest það sem persónuleg vefsíða ætti að geyma.

Því voru það aðrar þarfir sem ráku mig af stað í þetta sinn.  Sem stjórnarmaður í Júdodeild Umf Selfoss var ég ásamt hinum sjálfboðaliðunum í stjórninni alltaf að senda tölvupóst og skjöl fram og til baka.  T.d var bara í tölvunni hjá mér póstlisti.  Ég fór því að leita að svæði á netinu þar sem við gætum geymt þetta allt...og auðvitað helst frítt.

Eftir mikla leit fengum við okkur frítt svæði www.judodeildin.freehosting.net (þurfum ekki á vefsíðunni að halda því við erum með www.umfs.is/judo ) Ég varð alveg hissa hvað fylgdi þessu; fullkominn netpóstur, með calander, tasklistum, póstlistakerfum, vefsíðuforrit, bloggkerfi og ég veit ekki hvað og hvað.  Allavega þótt plássið sé ekki mikið þá þjónar þetta hagsumun deildarinnar í bili og við borgum ekki krónu fyrir þetta en sættum okkur við auglýsingaborða.

Í framhaldinu fór ég að hugsa þetta fyrir mig og mína fjölskyldu.  Ég valdi www.hostmonster.com  og keypti tvö ár fram í tímann á kr. 400 á mánuði....jebb...ótrúlegt verð... frítt lén fylgir.  Ég valdi mér lénið www.selfoss.net (ekki virk upphafssíða)  sem var laust af einhverjum ástæðum sem ég ekki skil. Við hefðu alveg geta valið okkur vidivellir.com eða gugga&loi.com eða bara hvað sem er.

Við lénið getum við í fjölskyldunni  haft eins mörg netföng og við viljum..svo nýja netfangið mitt er [e-mail]   Og tölvupóstviðmótið er meira segja á íslensku !  Við getum einnig haft eins mikið af undirlénum og við viljum, t.d geta börnin mín öll fengið sín svæði og þá t.d www.birna.selfoss.net (bara dæmi)

Það er hreint með ólíkindum hvað fylgir þessu.  Sérstaklega er ég hrifinn af net-drifinu. Með sérstakri tengingu við svæðið birtist tákn á skjánum, sem ég hef bara við hliðina á öðrum drifum í tölvunni hjá mér.  Og hvenær sem ég vil get ég dregið skjöl, myndir og hvað sem er yfir á netdrifið og hókus pókus ég er kominn með stóran stóran harðan disk á netinu sem ég get hvar og hvenær sem er vistað eða sótt skjöl í.   Algjör snild !

Geymsluplássið er mjög mikið eða 1,5 Gígabæt, sem hentar fínt undir geymslu á myndum, lögum, myndböndum og fl.

Ég skoðaði 5 umsagnarvefi áður en ég valdi Hostmonster, en það eru sannarlega margir aðrir góðir á markaðnum, t.d er BlueHost öruggulega mjög gott líka.  Hér að lokum slóðir á vefi sem taka út þjónustu fyrirtækja sem selja vefsvæði á netinu:
http://www.100best-free-web-space.com/
http://www.hostingtrail.com/
http://www.top-10-web-hosting.com/
http://www.web-hosting-top.com/
http://hosting-review.com/

Skoðið endilega þennan möguleika og kynnist hvað er í boði...ef þið gangið með eitthvað svona í maganum.  Þetta er bæði fyrir þá sem ekkert kunna og þá sem eitthvað kunna...þeir geta alltaf bætt við.