Jólaseríur

Árstíminn sem maður setur upp jólaseríur er runninn upp.   Þetta er nú eiginlega ekki í uppáhaldi hjá mér.  Mér hefur í nokkur ár fundist þetta bæði þreytandi og frekar mikil vinna.  Stöðug peruskipti yfir jólin hafa heldur ekki glatt mig mjög.

En fallegt er þetta óneitanlega og lífgar upp á umhverfið.  Blessað ljósið í öllum sínum regnbogalitum.

"Bannfæring Siðmenntar"

Ég er mikið að velta því fyrir mér hvað félagið Siðmennt gerir næst.   Þetta virðast vera öfgasinnaðir trúleysingar, sem berjast fyrir minni áhrifum trúar í samfélaginu.  Ég hef ekki nokkra trú á því að þeir láti staðar numið eftir að litlu jólunum hefur verið snúið í ljósahátíð og námi í kristnum fræðum snúið í siðamenntarnám.

Ég er nefnilega kristinn skólastjóri og miðað við hreintrúarstefnu Siðmenntar verð ég að viðurkenna að það gæti orðið mér fjötur um fót í starfi mínu í framtíðinni að finnast Jesú bestur.   Mér dettur í hug að  "siðmenntaða fólkinu" finnist það vera ansi mikið á það hallað að stórir skólar þurfi að lúta stjórn skólastjóra sem hefur kristin gildi í huga.  Eins og allir vita geta áhrif bæði bein og óbein af hálfu skólastjóra verið mjög mikil.   Kristinn skólastjóri, sem hefur vanið sig á að tala reglulega við Jesú,  gæti hugsanlega misst út úr sér í barna viðurvist orð eins og " Guð hjálpi þér" þegar einhver hnerrar eða " Drottinn sé oss næstur" þegar barn dettur í hálku, eða " Guð minn góður" þegar hann veit ekkert hvaðan á sig stendur veðrið.

Reyndar gæti ég hugsanlega sloppið þar sem ég er hvorki kona né verið áberandi í kristnu samfélagi. En ef svo hræðilega stæði á að skólastjórinn væri líka meðhjálpari, formaður sóknarnefndar eða bara í kirkjukórnun...já þá væru nú "kardinálar Siðmenntar" komnir í feitt.   Ef kristinn skólastjóri er nú kona, sem hrifinn er af skarti verður auðvitað að gæta þess vel að hálsmen með krossum séu alls ekki í augsýn viðkvæmra barna siðmenntaða fólksins.  Ef framangreindir  skólastjórar stíga eitt feilspor biði þeirra ekki annað en "bannfæring Siðmenntar" frá öllu kristinlegu starfi. 

Já kæru opinberlega kristnu skólastjórar í almennum skólum...við hljóum að vera næstir.  Áhrif okkar kunna innan tíðar að verð  mesta ógnin gegn  "viðkvæmum" sálum trúleysingja.

En vitanlega getum við skólastjórarnir ástundað trú okkar á laun.  Og það munum við auðvitað gera frekar en að verða bannfærðir af "páfum Siðmenntar."

Tottenham loksins að komast á skrið

Mikið er gott að geta farið að fylgjast með enska boltanum án þess að þurfa stöðugt að lesa um hrakfarir Tottenham.  Voðalega væri svo gaman að sjá liðið verða UEFA meistari í ár.  Held að það gæti bara orðið svo :)

Ramos: Vörnin er vandamálið

Ekki bara börn ...ekki bara tölvuleikir

Tölvuleikir eru yndislegt fyrirbæri.   Margir þeirra eru mjög uppbyggjandi og fræðandi og hafa jákvæð  og góð áhrifá þá sem spila þá.   En þar sem þeir eru svona áhrifamiklir og skemmtilegir vilja gjarnan margir vera lengi í þeim...og því miður missa alltof margir stjórn á spilum tölvuleikja.

Ég vek athygli á að ekki er eingöngu um að ræða misnotkun á spilum tölvuleikja að ræða heldur líka misnotkun á "að vera í tölvu" ; t.d að vera lon og don á MSN, sem er líka algengt vandamál.  Ég veit dæmi þess að unglingur hafi verið allt upp undir 40 tíma á MSN á viku með skóla.

Þá bendi ég á að þetta vandamál einskorðast síður en svo við börn.  Fullorðnir einstaklingar hafa í auknum mæli misst algjörlega tök á tilverunni vegna tölvufíknar.  Og gleymum því ekki að í mörgum tilvikum, meðan börnin leika sér í tölvunni, eru foreldrar þeirra líka í tölvu í öðru herbergi.  Kannski að vafra um á Internetinu, vinna, sýsla með myndir eða skoða tölvupóstinn sinn.  Þannig að fyrirmynd barnanna er meirra og meira í þá áttina að dvelja með tækjum fremur en fólki.

Skrópa vegna tölvuleikja

Skiptinemar

Úr eldhúsinu berst hlátur.  Þar eru þrír skiptinemar samankomnir og eiga í hrókasamræðum á spænsku og ítölsku; tveir frá Ítalíu og einn frá Venesúela.  Einn þeirra, stúlkan sem er í miðjunni dvelur nú hjá okkur næstu mánuðina.  Hún heitir Lucia og kemur frá suður Ítalíu. Þær halda gjarnan hópinn þessar þrjár, enda dvelja þær allar á Selfossi og allar við nám í FSu. Þar sem þær fara er mikið spjallað og hlegið.

Skemmtileg vefsíða og skýr

 http://www.kristur.is/kynnast_jesu.html 

Hvort er betra ?

Eins og allir vita gegnur orðið illa að manna leikskólana okkar.  Nú nýlega heyrði ég í nýbúa sem spurði þeirrar einföldu spurningar; hvort er betra að ráða nýbúa  á leikskólana  eða hafa leikskólanna lokaða ?

Bara að láta vita...

Rikki minn bað mig að láta vita að hann er nýbúinn að blogga.

Þurt í júlí en blautt í október

Á Selfossi er sjálfvirk veðurathugunarstöð sem setur allar upplýsingar jafnóðum á netið.  Mjög skemmtileg þjónusta fyrir þá sem hafa gaman af því að fyljast með veðri.  Það er Verkfræðistofa Suðurlands sem heldur þessum vef úti á slóðinni http://www.verksud.is/vedur/reynivellir-nu.cfm  

Ef gluggað er í samanburðartölur sést hversu þurt og hlýtt var í júlí og blautt í október. Þetta vita náttúrulega allir, en kannski áttar fólk sig ekki hversu afbrigðilegir þessir mánuðir eru fyrr en þeir sjá samanburð við fyrri ár.  Sjá http://www.verksud.is/vedur/saga/samanburdur.htm

Ef aðeins er gripið niður í þetta sést að úrkoma var 70 % minni í júlí en meðaltal undanfarinna þriggja ára.  Ef október er skoðaður sést að úrkoma í liðnum mánuði var um 300 % meiri en meðaltal undanfarinna ára... í raun var úrkoma í okt 2007 jafnmikil og samanlögð úrkoma í okt. áranna 2004, 2005 og 2006.   Ætti allavega að vera gott fyrir orkubúskap þjóðarinnar þó það sé ekki annað.

Margt að gerast

Þetta hefur verið nokkuð viðburðarík vika.  Þurfti að játa mig sigraðan og liggja veikur heima í tvo daga; þriðjudag og miðvikudag en það er nú ekki oft sem það gerist.

Á þriðjudag mætti svo nýr fjölskyldmeðlimur í húsið.  Skiptineminn Lucia frá Ítalíu.  Virðist vera endalaust pláss í mínu litla húsi.  Lucia verður vonandi sem lengst hjá okkur og þá fram á sumar. Nú erum við á fullu að læra nýja ítalska hætti.  T.d höfum við lært að nota heita mjólk út á morgunkornið í stað þess að vera með hana ískalda beint úr ískáp. 

Í gær(laugardag) var ég svo á skemmtilegu Bridge námskeiði hjá Bridgeklúbbi Selfoss.  Vorum í sjö tíma að æfa okkur að spila og liggja yfir útspilareglum, köllum og fl.  Þetta var mun skemmtilegra en ég hafði gert mér í hugarlund um.

Í gærkveldi  var árshátðið leikskólanna í Árborg haldin með miklum glæsileik á Hótel Selfossi.   Um 150 manns mættu og skemmtu sér saman.  Hljómsveitin Pass lék undir dansi fram eftir nóttu.

Í dag er svo stærsti hluti fjölskyldunnar að fara til RVK til að vera við Kaþólska messu með Luciu, Stulli að keppa í Íslandsmeistarmótinu í handbolta.

Á morgun er 9.bekkur (alls um 100 börn) að fara vestur í Dali í skólabúðir að Laugum.  Stulli fer náttúrulega og ég ætla að vera þarna fram á miðvikudag.

...já......það er margt að gerast.