Leita í fréttum mbl.is

Lifðu heill Hörður Torfason

Kærar þakkir fyrir þitt framlag hingað til.  Framganga þín hefur reynst mér ómetanleg. 

Lifðu heill Hörður Torfason.


mbl.is Hlé á fundum Radda fólksins
Tilkynna um óviðeigandi tengingu við frétt

Hæpin ummæli

Ég get ekki almennilega áttað mig á því hversvegna Sigmundur lætur svona orð falla um samstarfsflokk framsóknarflokksins.  Í fljótu bragði er ekki hægt að sjá neinn pólitískan ávinning með svona framkomu formannsins.   Maður greinir einhvern pirring sem fær á sig þessa undalegu mynd.

Ekki ætla ég að efa það að Samfylkingin geti verð erfið í samstarfinu (þótt ég viti ekkert um það), en það er tæplega snjallt að orða hlutina með þessum hætti um leið og formaðurinn talar um að framsóknarflokkurinn vilji í vinstri stjórn eftir kosningar.


mbl.is Undrandi á orðum Sigmundar
Tilkynna um óviðeigandi tengingu við frétt

Íslandsmeistaramótið í Júdo

Íslandsmeistaramótið í júdo fór fram á laugardaginn var.  Bræðurnir Keli og Stuli voru báðir skráðir til leiks og höfðu undirbúið sig vel.  Á föstudegi fyrir mót varð Stulli hinsvegar veikur og svo drulluslappur á laugardegi að ekki varð úr keppni hjá honum. Keli keppti hinsvegar og stóð sig ágætlega, þótt ekki næði hann á pall í þetta skiptið.

Alls voru rúmlega 200 keppendur á mótinu og er ljóst að júdoiðkenndum fer nú fjölgandi um allt land. Keppendur frá Júdodeild Umf. Selfoss voru 24 og náðu tveir þeirra að hampa Íslandsmeistartitli.


Ekki fréttir - lækkun í kauphöllinni

Fyrst þegar tók að gæta lækkunnar í kauphöllum um heim allan, þá fylgdist maður spenntur með.  En þegar fréttir berast dag eftir dag og viku eftir viku og mánuð eftir mánuð um lækkanir...er maður alveg búinn að fá nóg.  Steindauðar fréttir og alveg ótrúlegt að þeim sé hent daglega eða jafnvel oft á dag inn á mbl.  Fyrir hvaða hópa eru þessar fréttir ?  Atvinnulausa viðskiptafræðinga ? Atvinnulausa fjármálasérfræðinga ?

Það eru meiri spenna og meiri tíðindi fólgin í því  að hlusta á veðurfréttir kvölds og morgna.


mbl.is Rauðar tölur í kauphöllum
Tilkynna um óviðeigandi tengingu við frétt

Júdoannir

Nú erum við í Júdodeildinni að undirbúa aðalfund.  Reikningarnir að verða klárir og verð ég að segja að reksturinn hefur bara gengið vel.   

Nú um helgina er Íslandsmeistarmótið yngri en 20 ára og sendum við Selfyssingar vaskan hóp; líklega um 30 keppendur.

Þá erum við núna að taka í hús og selja nýjar einkennispeysur...svo það eru talsverðar júdoannir þessa daganna.


Hvassviðri

Ég fór í sund í dag eins og svo oft áður.  Í sundlauginni mætti mér mikill belgingur og gekk mér hreinlega illa að ná andanum móti öldurótinu.  Ég man ekki eftir svona miklu roki í sundi áður enda voru fáir í sundi og allt barnafólk hélt sig í innilauginni.

Fleiri vinir

Þetta eru skemmtilegar fréttir.  Skyndilega eru komnir fram fleiri vinir í raun en Norðmenn og Færeyingar.  Eiginlega kemur þetta manni á óvart hvað Manitoba gengur langt, því í Kanada hefur hingað til verið ströng löggjöf og ósveigjanleg varðandi ativnnuleyfi.

En þetta eru góðar fréttir og síður en svo of mikið af góðum vinaþjóðum um þessar mundir.


mbl.is Tímabundin atvinnuleyfi í Manitoba
Tilkynna um óviðeigandi tengingu við frétt

Haframjölið hefur hrunið

Eftir hrunið í byrjun október kláraðist mest allt haframjöl úr búðarhillum og var svo í hálfan mánuð.  Síðan hefur verið til nóg haframjöl.  Hinsvegar finnst mér það skrýtið að aðeins fást litlar pakkningar, nær ómögulegt er að fá stærri pakka.  Ég hélt að þetta væri í upphafi einhverskonar kreppu/gjaldeyrisvandamál hjá Bónus/Högum...en þetta virðist vera viðvarandi.  Enn fást bara litlir pakkar.

Stórar haframjölspakkningar hrundu greinilega líka í hruninu. 


HSK

Var á HSK þingi í gær á Hvolsvelli.   Langt síðan ég hef setið héraðsþing.  Líklega ekki síðan ég var vestur í Dölum 1993.  Þingið stóð yfir frá kl. 10.00 - 18.00.

Héraðssambandið Skarphéðinn er stórt og öflugt samband.  Það vakti athygli mína hversu margir iðkendur eru í golfi og hestaíþróttum.  Þeir eru t.d fleiri en þeir sem iðka fótbolta á svæðinu.

Júdo er nú iðkað á tveimur stöðum; á Selfossi og á Laugarvatni.  Júdoæfingar hjá UMF Laugdæla er nýung og hófst síðastliðið haust.

Þetta var ágætur dagur.


Sigurður K. vill sömu leikreglur áfram

Sigurður Kári vill greinilega að áfram verði unnið á fjármálamörkuðum eftir þeim gömlu leikreglum sem er að setja heiminn meira eða minna á annan endann.  Ekki nýjar takmarkandi reglur.  Ekki  veita upplýsingar til almennings.  Ekki má undir neinum kringumstæðum neitt verða til þess að spákaupmenn tapi peningum. 

VÁ...og ætlar hann að vera áfram í pólitík ?

 


mbl.is Gæti kollvarpað fjármálalífinu
Tilkynna um óviðeigandi tengingu við frétt

« Fyrri síða | Næsta síða »

Bloggari

Eyjólfur Sturlaugsson
Dalamaður 
eyjolfur.sturlaugsson@gmail.com

 

Júlí 2025
S M Þ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Heimsóknir

Flettingar

  • Í dag (14.7.): 0
  • Sl. sólarhring: 1
  • Sl. viku: 6
  • Frá upphafi: 0

Annað

  • Innlit í dag: 0
  • Innlit sl. viku: 6
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband