Moska í miðbæ Reykjavíkur

Félag Muslima á Íslandi hefur beðið lengi eftir þvi að fá svör við því frá Reykjavíkurborg hvar þeir megi reisa moskuna sína.  Þetta kom m.a fram í fréttum nýlega.   Ekki veit ég hvað tefur skipulagsyfirvöld en í landi trúfrelsis ættu öll viðurkennd trúfélög að geta komið sér upp húsnæði. 

Moskan er hinn heilagi samkomustaður múslima og bænahús þeirra. Í moskunni skal ríkja friður og kyrrð og þar eru því hvorki myndir né tónlist. Í moskunni á að einbeita sér að því að finna nálægð Allah.  Allar moskur hafa turna (mismarga eftir stærð) sem kallaðir eru mínarettur (minaret). Úr turnunum er kallað til bænagjörðar fimm sinnum á sólarhring.

Allra skemmtilegast væri ef hin nýja moska gæti verið nálægt miðbænum þannig að gangandi vegfarendur heyrðu bænakallið frá turnunum.  Þannig myndi moskan lífga upp á umhverfi og mannlíf í borginni.

Athugasemdir

[Heiða B. Heiðars, 18.9.2007 kl. 22:00]

Vá hvað þú átt eftir að fá að "heyra" það hérna í kommentakerfinu þínu núna!!:)

En ég er sammála:) 

[Guðrún Vala Elísdóttir, 18.9.2007 kl. 23:38]

að sumu leyti er ég sammála þér, en þar sem ég var að koma af námskeiði um konur og Islam vil ég segja að um leið og komin er moska hefur reynslan sýnt að öfgatrú og bókstafstrú blómstrar, auk þess sem moska þar sem konur mega ekki biðja myndi stangast á við jafnréttislögin eða hvað?

[Linda, 19.9.2007 kl. 01:13]

þú ert ekkert smá mikill húmoristi.

[Eyjólfur Sturlaugsson, 19.9.2007 kl. 08:07]

Hmm já brot á jafnréttislögum segir þú  Vala.   Það hlýtur að verða uppi fótur og fit á hinum Norðurlöndunum þegar frændur vorir fatta þetta.  Þeir eru líka með jafnréttislög og moskur í öllum stærstu borgum.

[Mofi, 19.9.2007 kl. 09:16]

Þetta væri eðlileg og sanngjörn bón hjá múslimum ef trúfrelsi ríkti hjá þeim sjálfum. Fyrst að þeir drepa þá sem vilja yfirgefa trúnna þá er ekki hægt að taka svona beiðni alvarlega.

[Eyjólfur Sturlaugsson, 19.9.2007 kl. 12:09]

Já Halldór (Mofi) trúfrelsi gegn trúfrelsi...annars engin moska á kristnu Íslandi.

....bara hugsa.....ættu Múslimar þá ekki bara að loka kristnum kirkjum í sínum ríkjum... á móti....og trúboð í þessum ríkum yrði þá hvað ?

[Eyjólfur Sturlaugsson, 19.9.2007 kl. 15:51]

Jú þetta eru sannarlega góðar spurningar Skúli, sem ég kann engin svör við.  Hef ekki minnstu hugmynd hvernig einhverjum tókst að byggja kirkjur í ríkjum múslima.

Já Ísland fyrir Íslendinga...ekki alveg nýtt að heyra það.

[Óskar Helgi Helgason (IP-tala skráð) 27.9.2007 kl. 21:31]

Komið þið sæl, gott fólk !

Eyjólfur minn ! Sannarlega kominn tími til, að afnema trúfrelsið.

Okkur er nær, að hlusta eftir spangóli íslenzka fjárhundsins, en einhverju góli, í kallara, með delluna frá Mekku, í farteskinu.

Með beztu kveðjum, úr Árnesþingi / Óskar Helgi Helgason