Gott að búa á tveimur stöðum

Það er oftar hlýrra veður á Selfossi heldur en í Búðardal.   Munar þar miklu um öll trén á Selfossi.   Að því leitinu er mjög gott að búa á tveimur stöðum.  Ég hef verið síðustu daga á Selfossi og notið einmuna veðubliðu.  Opinber hiti hér var 21 gráða.

Ef það fer að halla í meiri austanátt...þá er bara að fara í Búðardal, en þar er austanáttin besta áttin.

 

Myndir frá Tenerife komnar á Flickr síðuna mína

Þá er ég loksins búinn að velja rúmlega 80 myndir og setja á Flickr síðuna mína.  Myndirnar eru flestar teknar af mér, en það eru nokkrar frá Rikka líka. Þá eru ein og ein mynd frá Helgu systir og Birnu Björtu.

Hér er slóðin í albúmið og þá er hægt að skoða hverja mynd fyrir sig með skýringum með því að fletta myndunum albúminu. 

Hér er svo slóðin beint í sjálfvirka myndasýningu.

Mér tókst það !

Á laugardagsmorguninn var kl. 8.00 lögðum við pabbi upp í mikla og erfiða gönguferð.  Við vorum í 60 manna hópi sem ætlaði að ganga á 24 tinda á 24 tímum, þ.e fara fjallahringinn í kringum Glerárdalinn fyrir ofan Akureyri. Slóðin hér  Gönguferðin átti semsagt að standa í sólarhring og að velli átti að leggja 24 fjöll.

Nú þetta tókst hjá okkur pabba; vorum reyndar 24,5 klukkustundir að fara þetta, það þykir bara nokkuð góður tími.  Þetta var hinsvegar alveg ógeðslega erfið fjallganga.  Efast um að það bjóðist miklu erfiðari göngur og margir gáfust upp á leiðinni.  Alveg ótrúlegt að pabbi skuli vera búinn að fara þetta einu sinni áður( fyrir tveimur árum)  og hafi langað til að fara aftur.  Hann er sá elsti hingað til sem hefur farið hringinn (70 ára)  - hreint ótrúlegt afrek, sem ég spái að seint verði slegið.

Ég var svo þreyttur eftir þetta að mig verkjaði um allan líkamann og er ekki nærri búinn að ná mér. Núna á mánudagskveldi er ég t.d. ennþá á verkjalyfjum. 

En það hafðist

Komin vestur í Dali

Þá erum við komin vestur í Dali eftir að harfa gist eina nótt á Selfossi.  Ferðalagið sem allir voru búnir að hlakka til í marga mánuði er nú komið á enda.

Nú tekur við úrvinnsla mynda og undirbúningur næstu ferðar, sem er norður í Eyjafjörð á föstudaginn.  Þarf að lofta tjaldvagninn og fleira.

 

Letilif á Tenerife á enda

Komum heim á sunnudaginn.  Allir ordnir brunir, allur gjaldeyrir ad verda búinn, allir bunir ad hreyfa sig of litid og borda of mikid.... svo tad er kominn tími til ad koma sér heim aftur.

En Tenerife er flottur stadur til ad dvelja á.

Bara gott

Hér frá Tenerife er allt gott ad frétta.  Allir hafa thad gott, vedrid er gott, maturinn er gódur, íbúdirnar mjog fínar og fólkid hér elskulegt.  Allt semsagt í himnalagi og miklu betra en vid bjuggumst vid.

Hef verid latur ad taka myndir en tad stendur til bóta.  Thad er ekki internetsamband í íbúdum heldur verdur madur ad fara nidur í lobbý.

Kvedja fra Tenirife

Sumarfríið framundan á Tenerife !

Nú á sunnudagsmorgun heldur stórfjölskyldan til Tenerife saman.  Þetta er 20 manna hópur sem eru allir afkomendur ömmu Sillu frá Ártúnum.  Hún átti bara eitt barn; mömmu sem á fjörgur.  Það eru komin  fjögur barna börn og 10 barna barna börn hjá ömmu Sillu.  Þetta eru því þrjár kynslóðir sem fara saman ásamt mökum.

Við verðum í tvær vikur á stóru hóteli og er tilhlökkunin orðin mikil.  Vonandi verður enginn veikur en það hefur nær alltaf hent okkur þegar við förum á sólarströnd.

Hugsanlega blogga ég frá Tenerife og set jafnóðum inn myndir á Flicer síðuna mín...fer allt eftir hversu góðu og ódýru netsambandi ég verð í.

Hvar eru fiskiflugurnar ?

Eitt það eftirminnilegasta úr æsku manns er suðið í fiskiflugunum undir húsvegg á sólskinsdegi.  Suð og sól undir húsvegg...þannig leit björt minningin út.  Nú sé ég varla eina einustu fiskiflugu og virðist mér sem þær séu á undanhaldi.  Í þeirra stað eru komnir geitungar og hunangsflugur.   Hvað varð blessaðri fiskiflugunni að tjóni  veit ég ekki en gaman væri að vita það.

Svo ekki misskiljist þá er ég afar sáttur við hunangsflugurnar; duglegar, fallegar og skemmtilegar á að horfa.

Úrelt kjaftasamkunda ?

"Enn og aftur er þingið sér til skammar.  Enn og aftur þarf þjóðin að horfa upp á málþóf, þrætur og hártoganir, upplifa tregðu og taktleysi.  Hvernig fullorðið fólk nennir þessu er mér hulin rágáta en líkast er þetta kjaftasamkunduform gengið sér til húðar.   Þingheimur er klossfastur og þokar litlu og allt of hægt.  Undrun sjálfstæðismanna varðandi ásakanir um mútuþægni er að vonum og pínlegt að hlusta á umvandanir þeirra eftir allt sem á undan er gengið.   Þrái sama flokks gegn lýðræðisumbótum er umhugsunarefni, ekki síður en andstaða hans gegn þjóðareign auðlinda.  Hvaðan flokknum koma þessar hugsýnir veit ég ekki en óbreyttar munu þær viðhalda fylgistapi flokksins.   Tuð stjórnarflokkanna um ráðherrafjöld er annar álitshnekkir og kraftleysi í ákomu stjórnlagaþings annar.  Að ekki sé talað um auðlindamálin.  Hafi þessir flokkar meirihluta, hví ekki að klára málin þó það kosti málþóf?   Nýta sér lýðræðið loksins þegar sveifin er rétthallandi?   Kannski sú kenning sé rétt að sami botn ríki undir þessu öllu saman og raunverulegur vilji til breytinga ekki til staðar.   Þá er ekkert annað í stöðunni en að keyra grínið úr ráðhúsinu inn á þing."

Tek undir þessi orð Lýðs Árnasonar á  www.lydurarnason.blog.is

Í kaffi með tölvunni

Það er svolítið sláandi að lesa fréttir um það að fólk kjósi að taka kaffitímann sinn frekar með tölvunni sinni heldur með öðrum starfsfélögum, þetta virðast athuganir sýna að sé þróunin.  Ástæðan fyrir þessu hlýtur að vera ein og ákveðin...það er skemmtilegra að vera með tölvunni heldur en starfsfélögum.

Auðvitað má segja að hægt sé að vera á MSN eða Facebook og þannig í sambandi við margt fólk, en samt slær það mig að persónulega nálægðin skuli ekki hafa meira aðráttarafl.  Þetta er í raun svolítið merkilegt.

Svo er það auðvitað mögulegt að starfsfólkið sé allt við tölvur í kaffinu sínu á spjalli þar við hvert annað, sem væri auðvitað afar sérstakt ... en hvað getur svo sem ekki gerst ?

Kaffihléið mikilvægt í vinnunni