Biskupinn stendur sig vel

„Ég held að biskup hafi vaxið í Gunnarsmálinu vegna þess að hann leysti það mál og leysti það með hægð og af rósemd. Hann leysti það ekki með fjölmiðlastríði. Hann var sem klettur. Honum var ekki haggað. Hann kvað upp úrskurð og málið er dautt. Karl biskup er þannig að hann verður seint umdeildur. Það fer í taugarnar á frjálslyndustu guðfræðingunum hvað hann er íhaldssamur og það fer í taugarnar á íhaldssömustu guðfræðingunum hvað hann er frjálslyndur.“

Tilvitnun í Davíð Þór Jónsson á slóðinni: http://www.dv.is/frettir/2009/11/15/david-thor-biskup-sterkari-eftir-mal-gunnnars/

Nokkuð til í þessu :)

Dauði heimilislífsins

Þetta er nú með því alvarlegra sem maður hefur lesið um afleiðingar þess að vera of mikið í tölvuleikjum.  Hinsvegar er það alþekkt t.d hér á landi að heilu heimilin líða fyrir tölvuleikjafíkn.  Það eru ófá dæmi um að tölvuleikjafíknin hafi orðið svo mikil að það endar í skilnaði eða gjaldþroti og heilu heimilin flosna upp.  Heimilislífið smá deyr og gefur upp öndina að lokum.

Ungbarn dó meðan læknirinn var í tölvuleik

Fyrir löngu

Íslendingar framleiðir rafmagn í massavís á mjög umhverfisvænan hátt og flytja svo inn olíu á bílana sína. Meira en það ... síðustu árin höfum við flutt inn stóra eyðslumikla jeppa og pallbíla í meiri mæli en almennt þekkist.  Búið að leggja helmingnum af þeim á bílasölur núna.

Við eigum að vera fyrir löngu búin að taka rafbíla og rafstrætisvagna í notkun.

Selja rafbíla hér á landi

Athyglisverð frétt

Rakst á þessa athyglisverðu frétt.  Hættulegra dýr en það sýnist :)

 http://mbl.is/mm/frettir/innlent/2009/11/12/skogarmitill_landlaegur_her_a_landi/

Þúsundir forðast Davíð Oddsson - Mogginn tapar.

DV greinir frá könnun sem gerð var af Viðskiptaháskólanum á Bifröst.  Þar kemur fram að þúsundir áskrifenda Morgunblaðsins hafi sagt því upp, eftir að Davíð Oddsson varð ritstjóri.  Sjá fréttina: http://www.dv.is/frettir/2009/11/6/11-thusund-uppsagnir-fjarri-lagi-segir-oskar/

Farsælir Dalamenn

Lesið endilega þessa skemmtilegu frétt.   Virkilega gaman að lesa um eitthvað sem vel gengur, í stað þess að hlusta og lesa eingöngu "hrunfréttir".

http://www.ruv.is/heim/frettir/frett/store64/item310092/

Áfram Dalamenn !

Smá frí

Nú er ég kominn suður og í smá frí.  Ákvað að nota hluta vetrarfrísins í að vinna aðeins í ritgerðinni.  Það var kominn tími til.  Lítur úr fyrir að þetta verði einskonar eilífðarverkefni.

Í gær var annars á mjög skemmtilegu skólamálaþingi Sambands ísl. Sveitarfélaga.  Það er sjaldgæft að maður hlusti spertur allan daginn á slíkum samkomum. 

Nú er Rikki orðinn skáti

Í gær tók Rikki vígslu sem Fálkaskáti hjá skátafélaginu Stíganda (http://dalaskatar.blogcentral.is/).  Hann hélt hátíðlega í hornið á íslenska fánanum og þuldi skátaeiðinn.  Svo var sungið, sprellað og allir drukku djús.

Svo í dag hélt hann í skátaútilegu að Laugum í Sælingsdal.  Þar verður hann alla helgina við leiki, þrautir og störf.  Sækjum hann á sunnudag og fáum frekari fréttir af skátaferðinni.

Tollvarsla er fjölbreytt starf

Hvernig ætli sé að sitja í flugvél með svona hangandi utan á sér ?  Eða hvað hefði gerst ef einhverjir snákarnir hefðu sloppið og farið á ferðalag um flugvélina ?  Og hverju mega tollverðir ekki eiga von á ?

Reyndi að smygla skriðdýrum með því að líma þau við sig

Metro

Merkileg frétt að við skulum hagnast á því að hætta að borða Mc Donalds hamborgara.  Með því að borða Metro borgara, sem eru alfarið úr innlendu hráefni, þá verða til allt að 15 störf á landinu og borgarinn verður einni ódýrari.   Ég sé ekki neitt eftir M-inu stóra.

Það leiðinlega í þessu er svo að orðið Metro skuli verða notað en ekki eitthvað íslenskt nafn.