Þá skal haldið suður

Núna um helgina verður haldið suður á Selfoss.  Langt síðan við vorum þar síðast.  Það hefur enn fækkað á Víðivöllunum; nú er Keli farinn norður að vinna í Héðinsfjarðargöngunum og verður þar sennilega út Maí. Birna og Stulli halda nú saman heimili.

Á sunnudag er svo stórfjölskyldan að hittast hjá mömmu.  Sólveig systir að koma frá Danmörku svo við verðum þarna öll systkinin.

Sennilega alveg rétt

Í vinnu minni í skólum tek ég eftir þessari sömu þróun.  Mjög margir fullorðnir handskrifa heldur aldrei nokkurn hlut nema nafnið sitt, utan á umslög og í jólakort - jafnvel árum saman.  Í skólum eru tölvur sífellt meira notaðar við glósur og svo framvegis.  Í dag er því næstum því óþarfi að kunna að skrifa...hvað þá vel.

Það að kunna að skrifa með penna og blýanti mun hverfa hægt og hljótt sem almenn kunnátta einfaldlega vegna þess að það verður óþarft.

Rithöndin á undanhaldi

Rikki bloggar

http://www.rikki.blog.is/blog/rikki/

MPA síðan mín

Jæja loksins búinn að koma upp hjálparsíðu vegna rannsóknaverkefnis míns í MPA ritgerðinni minni. Slóðin hér.

Síðunni er ætlað að veita þeim aðilum, sem lenda í tölvupóstviðtölum,  helstu upplýsingar um viðfangsefnið.   Síðan má auðvitað bæta við niðurstöðum eftir því sem verkinu miðar fram.

Það er reyndar svolítið skrýtið hvað þarna inná officelive.com er að finna öflugt vefsíðuumhverfi sem kostar ekki neitt.  Slóðin er reyndar hræðileg...en þetta dugar í mörgum tilfellum bara vel.

 

Samreknir skólar

Það hefur færst í vöxt að minnstu sveitarfélögin skoði kosti þess að reka tónlistar-, leik- og grunnskóla saman undir einni stjórn.  Slíkt gefur mikla möguleika á samlögun milli skólastiga og verður í raun auðveldara en þegar skólastofnanir eru í samstarfi.

Mér segir sá hugur um að samreknum skólum muni fjölga á næstu árum.

5 ára börnum hleypt í grunnskólann?

Þetta þurfa allir að lesa

Af hverju skiptum við okkur ekki bara öll að þessu og útrýmum svona ókurteisi ?

Skyldulesning: http://omarragnarsson.blog.is/blog/omarragnarsson/entry/1023407/

Og svo kom vetur

Eftir einmuna blíðu með logni og lítilli úrkomu kom í Dalina Vetur konungur.  Byrjaði þegar hann sneri sér í norðanátt um síðustu helgi.  Snjóaði þá af og til nokkuð en sérstaklega í Saurbæ og á Skarðströnd og er þar nú kominn mikill snjór.  Skólaútibúið í Tjarnarlundi var því aðeins opin á mánudag og hálfan miðvikudag.

Svínadalur hefur verið opinn eða haldið opnum alla þessa daga og þykir það nokkrum tíðindum sæta að hann sé opin en strandir lokaðar.  Vegurinn yfir Þröskulda virðist alveg glataður; teppast fljótt og veður eru þar og válynd í norðanáttinni.

Búðardalur er mun veðursælli í þessari átt en égátti von á.  Hér var heiðríkja og sól þá daga sem bylur buldi á húsum Saurbæinga.  Þó brá af þessu bæði á fimmtudag og föstudag er kom nokkur snjókoma og skafrenningur.  Snjóðai t.d. grimmt í nótt.

Bara gott að fá smá vetur, sem mynnir mann á í hvaða náttúru og í hvaða landi maður býr.

 

Öskudagurinn

Nú er öskudagurinn nýliðinn.  Hin nýja íslenska hefð er að börn gangi í búningum um þéttbýli landsins og kaupi sér nammi með söng af fyrirtækjum og stofnunum.

Auðarskóli er fyrsti skólinn sem ég starfa í sem það er hefð að nemendur komi við í söngvagöngum sínum.  Í hinum skólunum forðuðust nemendur að heimsækja skólann á öskudag.  Í Auðarskóla var vel tekið á móti hópunum og myndir teknar af þeim öllum og birtar á heimasíðu skólans.  Slóð hér. 

Rikki lét ekki sitt eftir liggja og klæddi sig upp sem "nörd".  Búningurinn fór honum svo vel að það hvarflaði að okkur að hafa hann bara svona í framtíðinni. 

Rikki fékk mikið nammi og borðaði það fram á nótt án þess að fá svo mikið sem í magann.  Geri aðrir betur.

Í boði frjálshyggjunnar

Hin hægrisinnaða frjálshyggja verður okkur Íslendingum greinilega dýrkeypt.  Vonandi rís hún ekki aftur upp frá dauðum.  Vissara að grafa hana enn dýpra niður í hin svörtu myrkur.

Mestu búferlaflutningar Íslandssögunnar

Stórfjölskyldan til Tenerife

Í sumar leggur ættmóðirin Sigríður Símonardóttir upp í ferðalag til Tenerife með öllum afkomendum sínum og mökum þeirra.  Hefð hefur verið fyrir að stórfjölskyldan fari í slík ferðalög innanlands ár hvert en þetta er fyrsta slíka ferðalagið sem farið er erlendis.  Þá hefur hópurinn stækkað jafnt og þétt síðustu árin.

Svona ferðalög eru nú ekki beinlínis gefins þessa dagana, þannig að nú eru flestir að skrapa saman alla þá aura sem þeir finna svo hægt sé að komast í sólina hjá Kanaríubúunum.   Til að svo megi verða höfum við verið dugleg að gera hlutina sjálf; t.d stendur til að blanda sína eigin sólarvörn hér heima áður en lagt er af stað...slíkt sparar þessari ljósu og sólbrunalegu fjölskyldu tugi þúsunda.