Rólegt um helgina

Fjölskyldan hefur verið að mestu heimavið þessa helgi.  Birna Björt fór þó á föstudaginn á þjóðhátíð í Eyjum.  Keli er að vinna þessa helgi en skreppur á kvöldin eitthvað.  Gugga er enn að glíma við bakmeiðslin.   Stulli kom óvænt í helgarfrí úr sveitinni og hefur verið að ryfja upp kynnin við vini sína.

Það eru helst við Rikki sem höfum aðeins verið að skoða okkur um.  Við fórum í gær á Stokkseyri og heimsóttum þar  Töfragarðinn, Draugasetrið, Álfa, trölla og norðurljósasafnið og Veiðisafnið.  Litum inn í nokkur gallerý og listamannstofur í leiðinni.  Í dag skuppum við á Unglingalansmótið í Þorlákshöfn og heilsuðum upp á fólk úr Dölum og Reykhólasveitinni.

Vorum rétt áðan í mat hjá tengdó, en hún var að halda uppá það að nú voru allar hennar dætur heimavið.

Athugasemdir

[Aprílrós, 4.8.2008 kl. 00:52]

Já góð helgi hjá þér Lói minn. Mér datt í hug að skreppa á unglinga landsmótið en lenti svo uppá Hlöðum í Hvarlfjarðarsveit á útihátið SÁÁ.

mikið gaman og mikið fjör og dagskrá allan daginn alla dagana.

Kveðja Guðrún Ing 

[Guðbjörg Oddsdóttir, 5.8.2008 kl. 13:35]

Leiðinlegt að heyra að Gugga sé enn slæm í bakinu, bið kærlega að heilsa henni.  Þið feðgar hafir aldeilis tekið Stokkseyri með trompi um helgina.  Við vorum á Sauðárkróki um helgina.

kv

Guðbjörg Oddsd.

[Hilmar Björgvinsson, 5.8.2008 kl. 21:45]

Þetta líst mér vel á. Ekki vissi ég að þú værir svona menningarlegur og listhneigður. Svona á að nýta verslunarmannahelgina.