Eru olíufélögin að rugla okkur ?

Fyrir 4 árum var bensínlíterinn minnstakosti um 50% ódýrari en hann er nú.  Þá hófust krónuafslættir á hvern lítra hjá sumum félögum, oftst 2 - 3 krónur.  Nú þegar hver neytandi fær um helmingi færri lítra á tankinn sinn fyrir t.d 4000 krónurnar sínar er ljóst að afsláttur olíufélaganna (sem þeir auglýsa grimmt í fjölmiðlum) er helmingi minni.

Með öðrum orðum; afsláttur olíufélaganna hefur minnkað um helming !  Lítum á dæmi:

Ég ek díselbíl.  Ég er með afsláttarkort hjá Orkunni upp á 3 kr líterinn.   Nú fæ ég rétt um 21 líter fyrir 4000 krónurnar mínar.  Fyrir 5 árum fékk ég um 40 lítara.  Þá lítur þetta svona út:
Fyrir 5 árum 40 x 3 = 120 kr. í afslátt
Núna   21 x 3 = 66 kr í afslátt.
Sparnaðurinn er orðinn svo lítill að það er leitun að einhverju sem kostar 66 kr.  Tyggjópakki kostar t.d 90 -110 kr.

Olíufélögin ættu að auka afslátt sinn úr 3 krónur á líterinn upp í 6 krónur á líterinn.  Úr því að þau gátu það fyrir 5 árum...hversvegna geta þau það ekki núna ?

Með rosalegum auglýsingaáróðri um 3 kr áfslátt og 5 krónaafslátt á afmælisdegi manns er verið að kolrugla almenning.  Afslátturinn er stöðugt að minnka og olíufélögin að hirða mismuninn. 

Athugasemdir

[Landfari, 7.7.2008 kl. 22:56]

Það er af því að þau segja að álagning þeirra sé föst krónutala en ekki í prósentum eins og víðast annars staðar. Það þíðir að þeir fá jafn margar krónur fyrir hvern lítra og þeir fengu áður en þetta hækkaði. Ef það er rétt hjá þeim þá er skiljanlegt að þeir geti ekki hækkað afsláttinn.