Ekki bara börn ...ekki bara tölvuleikir

Tölvuleikir eru yndislegt fyrirbæri.   Margir þeirra eru mjög uppbyggjandi og fræðandi og hafa jákvæð  og góð áhrifá þá sem spila þá.   En þar sem þeir eru svona áhrifamiklir og skemmtilegir vilja gjarnan margir vera lengi í þeim...og því miður missa alltof margir stjórn á spilum tölvuleikja.

Ég vek athygli á að ekki er eingöngu um að ræða misnotkun á spilum tölvuleikja að ræða heldur líka misnotkun á "að vera í tölvu" ; t.d að vera lon og don á MSN, sem er líka algengt vandamál.  Ég veit dæmi þess að unglingur hafi verið allt upp undir 40 tíma á MSN á viku með skóla.

Þá bendi ég á að þetta vandamál einskorðast síður en svo við börn.  Fullorðnir einstaklingar hafa í auknum mæli misst algjörlega tök á tilverunni vegna tölvufíknar.  Og gleymum því ekki að í mörgum tilvikum, meðan börnin leika sér í tölvunni, eru foreldrar þeirra líka í tölvu í öðru herbergi.  Kannski að vafra um á Internetinu, vinna, sýsla með myndir eða skoða tölvupóstinn sinn.  Þannig að fyrirmynd barnanna er meirra og meira í þá áttina að dvelja með tækjum fremur en fólki.

Skrópa vegna tölvuleikja

Athugasemdir

[Úlfar (IP-tala skráð) 22.11.2007 kl. 11:31]

Góður punktur, þetta eru nefnilega ekki bara tölvuleikir og heimskulegt að kenna þeim um þetta altsaman, þó þeir eigi vissulega hlut í þessu. En ef það er samt einhver leikur sem virðist vera að valda verstu fíkninni þá er það sýndarveruleikahermirinn World of Warcraft, það eru allir að spila þennan leik og spila hann mikið. 

Er ekki hægt að benda á þróunina í samfélaginu þar sem báðir foreldrar vinna alla daga vikunar 12 tíma á dag og geta ekki verið hjá börnunum og láta því þau þurfa að njóta gæslu sjónvarps eða tölvuspila eigi stóran part í þessu?

[Sædís Ósk Harðardóttir, 22.11.2007 kl. 12:32]

Þetta er mikið rétt hjá þér Eyjólfur, fullorðinir eru í auknum mæli meira og meira í tölvum.  Það læra börnin sem fyrir þeim er haft segir á góðum stað.  En þetta er vaxandi vandamál með tölvufíkn og eflaust eiga meðferðastofnanir eftir að finna meira fyrir þessu á næstu misserum.