Tottenham - vann í dag

Um svipað leiti og það varð flott að halda með einhverju ensku liði þá fór ég að halda með Tottenham.  Hef aldrei fundið út hversvegna svo var.  Tengi það lítillega því að mér fannst ekki stórmannlegt að halda með besta liðinu þá og þá stundina.  Stulli minn virðist vera með sömu heilkennin, en hann hélt sem barn lengi með Manchester U. en hætti því snögglega 12 ára gamall og fór að halda með Fullham, sem nánast enginn maður heldur með.

En ég hef verið sannur fylgismaður Tottenham í rúm 20 ár og aldrei hvarflað að mér að halda með öðru.  Er ekki á leiðinni að hætta því þótt ég tapi mér nú engan veginn yfir þessu.  T.d horfi ég næstum aldrei á beinar útsendingar úr enska boltanum...alltof tímafrekt að eiga við það.

Þeir sem halda með Tottenham eru reyndar ótrúlega margir (komst að því þegar ég fékk Internetið) og klúbburinn okkar heldur úti heimasíðu og skipuleggur ferðalög á leiki liðsins.  Heimasíðan er http://www.spurs.is/

Keane með tvö mörk og rautt spjald

Athugasemdir

[Ester Sveinbjarnardóttir, 26.2.2007 kl. 04:27]

Til hamingju!.....

[Magnús Már (IP-tala skráð) 26.2.2007 kl. 08:38]

Skemmtilegt að sjá þegar ungmenni finna sér skemmtileg og uppbyggjandi áhugamál. Fín mynd en gaman að sjá að Gísli snýr bókinni á hvolfi þegar hann situr í rúminu. Áfram strákar.

[Jóhanna Fríða Dalkvist, 26.2.2007 kl. 20:44]

ja, skrýtinn ertu frændi

Nei auðvitað er ekkert gaman að byrja að halda með liði sem er á toppnum því þá getur leiðin bara legið niður á við, hjá ykkur getur leiðin varla legið neitt nema upp á við, mjög rökrétt að velja þessi lið