Að taka ástfóstri við olíufélag

Hef sett að ganni mínu nýja skoðanakönnun upp hér til hliðar.  Spurt er um uppáhalds olíufélag. 

Einhvernveginn er það þannig með mig að ég versla helst alltaf við sama olíusöluaðilann.  Kannski er það þannig farið með fleiri.

Lúpínan er vinur okkar

Samkvæmt niðurstöðu í skoðanakönnuninni hér á síðunni sem 90 manns hafa tekið þátt í er Lúpinan vinur okkar Íslendinga. Um 71% telja plöntuna styðja við íslenska náttúru en 29% segja hana skaða íslenska náttúru.

Megi blessuð lúpínan dafna og blómstra sem víðast um landið.

Því er lokið

Á miðvikudaginn var kláraði ég MPA ritgerðina mína og skilaði í Háskólann.  Skilað líka rafrænu eintaki í Skemmuna, sem hægt er að nálgast hér.  MPA ritgerð.   

Svo var ég á miðvikudag, fimmtudag, föstudag og fram að hádegi í dag að pússa og lakka parketnið á Víðivöllum á Selfossi.  Fékk dygga aðstoð frá Bjarna og Stulla.  Nú er þar bara nýlakkað og vel lyktandi parket.

En er nú skyndilega kominn í páskafrí.  Verð í mat í bláa húsinu á morgun með stórfjöldkyldunni.

Solus

Solus heitir fæðubótarefni eitt og er það í Lifeplan línunni.  Þetta eru fjölvítamíntöflur með ýmsu öðrum lækningajurtum með, t.d. gingseni og kvöldrósarolíu.  Allt í einni töflu.

Ég byrjaði að taka þetta í september 2009 og hefur þessi undursamlega tafla hjálpað mér furðu mikið.  Ég var t.d. slæmur að óskilgreindri gigt um mest allan skrokkinn 2009.  Þá hafði ég búið við það árum saman að þurfa að fara á klósett um nætur.   Eftir um það bil 6 - 8 mánaða inntöku á  töflu þessari er ég laus við hvorutveggja.  Engu öðru breytti ég nema ég hætti að taka lýsi...vegna þess að þetta tvennt fer ekki saman.

Solus Lifeplan er aðeins seld í Lyf & heilsu á Selfossi og Hvolsvelli.  Soldið skrýtið. 

Rosalegur leikur

Þriðji leikur Fram og Vals í handboltanum var í beinni útsendingu á RÚV.  Ég ætlaði bara aðeins að horfa á seinnhálfleikinn en datt niður í að horfa á tvær framlengingar og vítakastskeppni.  Fuku frá mér mínúturnar sem ég átti í raun að nota til að prófarkarlesa ritgerðina mína.

Og svo vann Valur.  Ég sem held aldrei með Val...bara aldrei. 

Kosningar

Í dag eru kosningar. Ég vinn í fyrsta skipti í kjördeild. Verð dyravörður í nokkrar klukkustundir. Ég ætti allavega að hitta marga.

Jörfagleði

Dagana 15. - 20. april næstkomandi verður Jörfagleði Dalamanna haldin.  Jörfagleði er menningarhátíð sem haldin er annað hvert ár.  Í ár hefur verið sett upp fjölbreytt og metnaðarfull dagskrá sem skoða má á slóðinni  hér

Að þessu sinni eru fjölskyldumeðlimir þátttakendur.  Gugga og Rikki leika bæði í leikritinu "Baðstofan", sem sýnt er 15. april og Rikki leikur með hljómsveitinni "Details" á hljómleikunum þann 20. april. 

Góðar fréttir

Ætla má að eftirspurn eftir áli sé að aukast, sem þýðir að hagkerfi heimsins eru að rétta úr sér. Mjög góðar fréttir fyrir Landsvirkjun og ætti að koma því ágæta fyrirtæki endanlega fyrir horn.

Verð á áli hækkar enn

Skelrækt

Tilraunir með skelrækt í Hvammsfirði eru langt á veg komnar.  Það er hópur góðra manna er stendur að bæki ræktuninni.  Húsnæði hefur verið keypt niður við höfnina og verið að gera klárt fyrir uppskeru.

 Þó verður að segjast að íbúar norðan Gilsfjarðar eru lengra komnir.  Í fararbroddi er Bergsveinn Reynisson á Gróustöðum.  Hann ræktar skel bæði í Gilsfirði og í Króksfirði og landar tugum  tona á hverju ári.  

Nú hafa skelræktendur um allt land stofnað landssamtök.  Meira um þetta það og Begga á Gróustöðum  er að finna á góðum Reykhólavef á þessari slóð hér.

Af vef Skessuhorns

Skessuhorn birti frétt af sambandsþingi UDN.  Þar kemur m.a. fram að stjötugur gögnugarpur var nærri því að verða útnefndur íþróttamaður sambandsins.  Sjá hér.