Afmælismót JSÍ

Í gær fórum við Gugga og Rikki með Stulla á afmælismót Júdosambands Íslands.  Þetta er næststærsta júdómót ársins og voru keppendur 110 talsins.    Stulli keppti bæði í sínum aldursflokki og svo aldursflokknum 15 - 19 ára.

Það er skemmst frá því að segja að Stulla gekk mjög vel og vann flokkinn sinn og lenti í mikilli keppni um 1. - 3. sætið í eldri flokknum.  Eftir aukakeppni þriggja efstu manna lenti Stulli þar í öðru sæti.  Hann glímdi alls 7 glimur og tapaði tveimur, báðum í eldri flokknum.

Hér til hliðar er mynd af Gullhafanum.

Áfram Hörður Torfason !

Eftirfarandi blog birtist hjá þekktum og mikið lesnum bloggara og er ég því í flestu mjög sammála.  

http://larahanna.blog.is/blog/larahanna/entry/781973/   

Gott að ekki tókst að einkavæða RÚV

Nú þessa dagana virðist RÚV bera höfuð og herðar yfir fréttafluttning fjölmiðla af málum líðandi stundar.  Hugsið ykkur ef það sama gerðist þar og hefur nú gerst á Stöð 2; ....Kastljósinu breytt í glansþátt.

Það er mjög fróðlegt að fylgjast með fréttafluttningi af mótmælum, t.d fjölda mótmælenda.  Iðulega eru þeir fæstir hjá mbl.is og flestir hjá dv.is.  Vísir.is og Rúv hafa verið þarna á milli. 

Vonandi getur einhver fréttastof séð hag sinn í því að ráða þessi ágætu hjón til sín.

Frjáls undan oki auðjöfra

Pulsur

Getur verið að pulsur séu hreint ekkert góðar í maga ?  Mér hefur yfirleitt þótt pulsur góðar en hef minnkað neyslu þeirra mjög vegna þess að ég hef það á tilfinningunni að þær séu meinóhollar.  Maður ropar einhverju pulsulofti lengi á eftir þannig að maður angar eins og pulsuvagn.

Hvernig er hægt að hafa þetta sem þjóðarétt ?

Friðsæll sunnudagur og heitt kaffi.

Í dag hefur verið bjart og rólegt veður með snjóföl yfir öllu.  Við Gugga erum búin að viðra hundinn í dag og njóta áhrifanna.

En það er sumstaðar hálka og ég held að ég verði að punga út fyrir minnsa kosti tveimur nýjum vetradekkjum - þessi eru að verða ágætlega nýtt held ég.

 

Kristján Möller svíkur landsbyggðina

Kristján Möller samgönguráðherra hefur nú leyft lokun á pósthúsinu í Króksfjarðarnesi.  Óskapleg er þetta slappur ráðherra.   Því verður lokað um næstu mánaðarmót.  Þá verða 74 kílómetrar fyrir íbúa á Reykhólum á næsta pósthús.

Hér er slóð á fréttina eins og hún birtist á vef Reykhóla http://www.reykholar.is/frettir/ 

Barátta heimamanna virðist ekki ætla að breyta miklu...þeir eiga bara eftir lögsókn.  Eg vona svo að það beri árangur.

Látin móðir fæðir barn

Ég rakst á þessa frétt áðan; látin móðir fæðir barn.  Einhvernveginn finnst manni það svo rétt að þetta sé mögulegt.  Dásemdir læknavísinda birtast í mörgu.   Fréttin er á AMX fréttavefnum.  

Bara búinn að taka niður skrautið

Þetta var snörp viðureign og erfið.  Sex kassar.  Fjölgar alltaf kössunum þótt húsið sé alltaf jafnstórt.

 

Vaknaði eins og venjulega

Þá er maður farinn að sofa og vakna eins og venjulegur maður aftur eftir gott jólafrí.  Framundan er seinni námsönnin í Háskólanum.  Er aðeins byrjaður að lesa.

Það er aldrei gaman að pakka jólaskrauti niður í kassana aftur en það er jú eitt af því sem þarf að gerast næstu daga. Held að þetta séu fyrstu jólin sem ég sé ekki fram á það að þurfa að bæta við kassa með jólaskrauti í geymsluna.

Ég er nokkuð ánægður með það að þetta eru önnur jólin í röð þar sem engin breyting verður  þyngd minni yfir hátíðirnar.   

Gleðilegt nýtt ár

"Meðan hann var í Jerúsalem á páskahátíðinni fóru margir að trúa á hann því þeir sáu þau tákn sem hann gerði.  En Jesús gaf þeim ekki trúnað sinn því hann þekkti alla.  Hann þurfti þess ekki að neinn bæri öðrum manni vitni.  Hann vissi sjálfur hvað í manni býr. " Jóh.2.23-25.