Á maður að skilja þetta ?

Skilanefnd gamla Kaupþings eignast nýja Kaupþing.  Fór þá gamla Kaupþing ekki á hausinn ?  Hver er munurinn á gamla Kaupþingi og skilanefnd Kaupþings ?

Skilanefndir eignast tvo banka

Búinn !

Komið ný skolplögn og líka ný vatnslögn.  Mölin á planið var hinsvegar ekki til svo eitthvað þarf að bíð eftir að bílaplanið verði áferðafallegt á ný.  Þá er það bara lokahnikkurinn. Bara bílskúrinn eftir ómálaður.

Nýr fjölskyldumeðlimur kominn á heimilið.  Átta vikna gamal hvolpur frá Erpsstöðum.  Hann heitir náttúrulega Erpur.  Svaka krútt en líka svaka erfiður.  Mætti sofa meira mín vegna.

Viðhaldið

Þessa daganna er verið að mála húsið að utan.  Tekur tíma sinn, en ekki svo leiðinlegt í góðu veðri.  Þessu fylgja sprunguviðgerðir á bílskúrnum.

Svo á þriðjudaginn kemur verður hafist handa við að skipta út skolplögn...(bja)

 

Frábær mynd hjá Rikka

Í ferðinni fyrir norðan var Rikki með myndavél (þegar hann mundi eftir henni).  Og eins og fyrri daginn þá nær hann dularfullt oft frábærum myndum.  Þessa mynd tekur hann af frænku sinni inni í dimmum göngum Glaumbæjar (torfbær)... og hittir svona rosalega á réttan fókus og svipbrigði.

Frænkan heitir Guðrún Eva og birtist þarna í myrkrinu eins og bjartur bæjarálfur.

Hin banvæna króna

Það er öllum ráðum beitt til þess að fá Íslendinga til að nota krónuna.  Gjaldeyrishöft, neyðarlög og sérstakt eftirlit.  Samt reyna allir sem þurfa að stunda viðskipti með gjaldeyri að komast hjá því að nota þennan banvæna gjaldmiðil. Semsagt krónan er stöðugt notuð minna og minna þrátt fyrir stöðugan þrýsting um hið gagnstæða.

Talandi dæmi um hvernig höft búa til ný og ný vandamál...

Gjaldeyri ekki skipt í krónur

Vá

Kominn heim úr 4 daga ferð um Látrabjarg og Rauðasand.  Tók 300 myndir.  20 stiga hiti og sól allan tímann.  Myndir koma seinna.

Vá

Skemmtileg ferð

Ferðalagið norður í Skagafjörð var mjög skemmtilegt.  Við fengum 2 gráðu hita fyrstu nóttina og 1 stigs frost þá næstu.  Það var hálfkalt í tjaldvagninum þessar nætur.  Siðan fengum við bara hið besta veður.  Og tjaldvagninn reyndist mjög vel.

Við vorum á ráðstefnunni um langömmu Elinborgu á föstudaginn og gekk hún afar vel.  Flott framtak þessi ráðstefna.  Það mætti um 90 manns.

Á laugardegi vorum við á Sigló og þar var alveg himneskt veður.  Margt hefur breyst þar síðan við vorum þar fyrir um það bil 5 árum síðan.  Komin göng, varnargarðar og búið að fylla upp í tjörnina fyrir framan gamla húsið okkar á Eyrarflötinni....samt sami fallegi bæjarbragurinn.

Á sunnudag vorum við á Akureyri í 20 stiga hita.  Héldum okkur úti allan daginn fyrst í sundi og svo í Kjarnaskógi.

Í dag fórum við svo hringinn í kringum Vatnsnesið.  Skoðuðum Borgarvirki, Hvítserk, seli og æðarvarp.

Myndir koma tæplega strax en ég tók helling...því ég er að leggja strax af stað í aðra ferð á morgun.  Þarf að vera kominn á Rauðasand á miðvikudagskvöld, en þar hefst nokkra daga gönguferð um Látrabjarg, sem ég fer með pabba og mömmu í.

 Nóg að gera.... 

Skreppum norður

Í dag förum við Gugga og Rikki norður í Skagafjörð og á Siglufjörð og komum aftur á Sunnudaginn eða mánudaginn.  Fer svona eftir veðri.

Á morgun er ráðstefna um Elinborgu Lárusdóttur rithöfund í Varmahlíð í Skagafirði.  En Elínborg var langamma min svo það er tilhlýðilegt að fara á ráðstefnuna.

Notum svo laugardaginn til að skreppa á Sigló, en það er orðið býsna langt síðan við vorum þar síðast.

Gatan mín

Víðivellirnir á Selfossi er gömul og gróin gata og það sem einkennir götumyndina öðru fremur er mikið af fallegum reynitrjám í görðum.  Þessi tré eru afar sérstök með það að þau blómstra fallega og bera síðan fallega rauða berjaklasa.  Þegar trén eru í blóma leggur sætan angan um götuna og þegar blómin falla eru gangstéttirnar þakktar hvítum blómum.  Þannig er tréð allt sumarið meira eða minna öllum til yndisauka.

Ein mynd með sem ég náði af blómum reynitrés í mínum garði.

Svona eiga menn að vera

Frábært framtak hjá Grétari og ljóst að fer ekki inn markaðinn þar sem hann er stærstur.  Grétar er Siglfirðingur í húð og hár og hann lætur æskustöðvarnar ganga fyrir hugsanlegri hagnaðarvon.

Svona eiga menn að vera.

Nokkuð sem mig hefur lengi langað til að gera