Gleðileg jól

Texti jólaguðspjallsins, hjá Guðspjallamanninum Lúkasi, eins og hann
hljóðaði í Nýja testamenti Odds Gottskálkssonar sem var gefið út 1540.
Fyrsta þýðing Nýja testamentisins á íslenska tungu og auk þess fyrsta bók
sem prentuð var á íslensku og enn er til svo að vitað sé.

En það bar til á þeim dögum að það boð gekk út frá keisaranum Ágústo, það
heimurinn allur skyldi skattskrifast. Og þessi skattur hófst fyrst upp hjá
Kýrenó sem þá var landstjórnari í Sýria. Og allir fóru að tjá sig, hver til
sinnar bortar. Þá fór og Jósef af Galílea úr borginni Naðaret upp í Júdeam,
til Davíðs borgar, sú er kallast Betlehem, af því að hann var af húsi og
kyni Davíðs, að hann tjáði sig þar meður Maríu, sinni festarkvon óléttri.
En það gjörðist þá þau voru þar að þeir dagar fullnuðust eð hú skyldi fæða.
Og hún fæddi sinn frumgetinn son og vafði hann í reifum og lagði hann niður
í jötuna því að hún fékk ekkert annað rúm í herberginu.
Og fjárhirðar voru þar í sama byggðarlagi um grandana við fjárhúsin, sem
varðveittu og vöktu yfir hjörð sinni. Og sjá, að engill Drottins stóð hjá
þeim og Guðs birti ljómaði krinum þá. Og þeir urðu af milum ótta hræddir,
og engillinn sagði til þeirra. Eigi skuluð þér hræðast, sjíð, því ég boða
yður mikinn fögnuð, þann er sker öllum lýð, því í dag er yður lausnarinn
fæddur, sá að er Kristur Drottinn, í borg Davíðs. Og hafið það til merkis:
Þér munu finna barnið í reifum vafið og lagt vera í jötuna. Og jafnskjótt
þá var þar hjá englinum mikill fjöldi himneskra hersveita sem lofuðu Guð og
sögðu: Dýrð sé Guði í upphæðum og friður á jörðu og mönnum góðvilji.

(Hér fylgir einnig útskýring á orðinu góðvilji)

(Góðvilji er að menn hafi þar af ást og unaðssemd bæði fyrir Guði og svo
innbyrðis og það með þakklæti að meðtaka og alla hluti með góðfýsi þar fyrir að forláta og líða)

Keli brautskráður sem stúdent

Þann 18. desember var Keli brautskráður sem stúdent frá Fjölbrautaskóla Suðurlands af náttúrufræðibraut.  Keli var aðeins fimm annir að ljúka stúdentsprófinu og var frá því greint að það væri nýtt met í skólanum. 

Athöfnin í Fjölbrautaskólanum var mjög vönduð, hátíðleg og skemmtileg.  Á eftir athöfnina kom fjölskylda Kela saman á Víðivöllunum og gerði sér dagamun.

 

Keli að verða stúdent

Jæja þá er komið að því.  Maður nýkominn í pásu við að halda fermingar þá er það næstu áfangar.  Keli útskrifast sem stúdent á morgun; föstudaginn 18. desember. Þetta tók strákinn bara tvö og hálft ár að ljúka þessu.

Ég og Rikki ætlum að rjúka héðan kl. 10.00, úr miðjum litlujólum, og aka suður á Selfoss í athöfnina.  Gugga fer í dag að laga til og undirbúa veisluna.

Dalamaður vinnur fyrstu verðlaun í ljósmyndasamkeppni

Séra Bragi Ingibergsson vann nú nýverið fyrstu verðlaun í stórri ljósmyndasamkeppni. Myndefnið er eins íslenkst og hægt er; íslenski hesturinn.  Í verðlaun hlaut Bragi tvær milljónir króna.  Hér má sjá mynd Braga og umfjöllun um hana.  http://www.telegraph.co.uk/culture/photography/6761762/Digital-Camera-Photographer-of-the-Year-wins-with-simple-and-quiet-wildlife-shot.html  

Tefla á netinu

Nú er ég að prufa að tefla á netinu.  Þar eru aldeilis margir möguleikar í boði.  Ég valdi mér að tefla gamaldags bréfskák, þar sem ég má vera allt að þrjá daga með hvern leik.  Auðvitað mun skákin taka langan tíma, en á móti kemur að maður getur ef maður vill teflt margar í einu.

Ég valdi mér að tefla á www.gameknot.com en í sjálfusér er þetta hægt út um allt.  Ég finn að ég er alveg orðinn kolryðgaður í skákinni.

Tahiti

Ég geri mér það stundum til skemmtunar og dundurs að ferðast um heiminn á Google Earth.  Lengst af hef ég verið að ferðast um eyjar undan ströndum Afríku en er nú kominn til Asíu.  Það er hægt að upplifa ótrúlega mikið í gegnum þennan glugga sem tölvan veitir.  Ég horfi t.d á myndbönd með þjóðdönsum, hátíðum og ferðalögum fólks, les upplýsingar um land og þjóð og skoða ljósmyndir af umhverfi og náttúru.

Það kemur alltaf eitthvað á óvart.  Ég var t.d á Tahiti alla helgina og þar komst ég m.a að því að það er franskt landsvæði með franska þjóðtungu og franskt velferðarsamfélag...og líka að þar finnast svartar baðstrendur...sem er mjög sjaldgæft...eins og á Íslandi.

Sjá myndir á þessari slóð: VááennflottáTahiti

Svona skal skreyta hús

Skoðið endilega myndbandið á þessari slóð: http://www.vf.is/VefTV/647/default.aspx  og munið að hafa hátalarana á og horfa á það til enda.

Vetur genginn í garð

Það má segja að nú um helgina hafi veturinn gegnið í garð.  Það er 7 stiga frost og snjóar í fjöllum og skafrenningur víða.  Það er því bísna kuldalegt hér um að litast eins og er. 

Hinsvegar var hann hægur í gærkveldi og norðurljósin gerðu þorpið afar jólalegt.

Öll saman fyrir vestan

Hinn helmingur fjölskyldunnar sem býr á Selfossi ætlar að leggja land undir fót í dag og skreppa vestur í Dali og gista eina nótt.  Það verður í fyrsta skipti sem við verðum öll saman hér í Búðardal og einnig í fyrsta skipti sem Káta kemur í heimsókn.   Veðrið er þokkalegt, snjóar lítlega og fýkur af þökum...en allt er greiðfært ennþá allavega.

Haustmyndir

Jæja þá er ég búinn að setja nokkrar nýjar haustmyndir inn á Flickr svæðið mitt.  Veit ekki hvort ég hleð þeim lika hér inn.  Nettengingin er svo ótrúlega hæg hér í Búðardal...það tók mig daga að koma þessum fáu myndum inn.

Lítið á myndirnar: http://www.flickr.com/photos/guggaogloi/sets/72157622861970832/show/