Skírnarmyndirnar komnar inn

Þá hef ég loksins lokið við að koma myndum úr skírninni hans Birkis Rafns frá mér.  Þær verða bæði á mínu myndasvæði og einnig á nýju myndasvæði Birkis.  Hér er slóðin: http://www.flickr.com/photos/69491028@N02/sets/72157628140109300/

Æ mig auman

„Við getum bara agað okkur sjálf." segir hún Hanna Birna. Erum við að skynja afrakstur síðustu áratuga sem agaða efnahagsforystu ? Og hvað með framtíðina... eru "öguð" vinnubrögð það sem manni detur virkilega í hug þegar litið er t.d. á umræður inni á alþingi ?

Varla

Ætli við sitjum þá ekki uppi með afar erfiðan gjaldmiðil og lítt öguð vinnubrögð áfram.

Æ mig auman

Eigum að halda í krónuna

Birkir Rafn Bjarnason tekinn í kristinna manna tölu

Síðastliðinn sunnudag var afastrákurinn skírður í Kotstrandarkirkju i Ölfusi.   Á síðustu stundu forfallaðist síra Helga systir og gat því ekki skírt drenginn.  En hún reddaði ágætum forfallapresti í staðinn.  

Faðirinn hélt drengnum undir skírninni.  Að skírn lokinni buðu þau Birna og Bjarni til veglegrar  veislu í Hveragerði.

Því miður hefur mér ekki enn unnist tími til að vinna margar myndir sem ég tók. En það ætti nú að klárast um helgina.  Læt fylgja hér eina mynd úr kirkjunni þar sem Bjarni heldur á Birki Rafni við skírnina.

Hvað er ég gamall ?

Er hægt að mæla aldur ? Já við gerum það með tímatali okkar - semsagt i árum. En það getur nú varla talist góður mælikvarði t.d. getur árafjöldinn ekki sagt nákvæmlega til hversu stirður ég er, gleyminn, hrukkóttur eða mæðinn.

Því veit ég ekki hvað ég er nákvæmlega gamall t.d. miðað við aðra. Þeir geta verið eldri í árum en yngri í útliti. Eða öfugt.

Spurningin ætti miklu frekar að vera um öldrun en aldur. T.d. gæti ég spurt mig : Hversu mikil er öldrun mín ? eða Hversu hröð er öldrun mín ? Og mér dettur í huga að ég eigi jafnvel eftir einhverja æsku....hversu mikla æsku á ég ennþá ?

Hmm já hver er raunveruleg staða mín eiginlega ?

Meira af gamla tímanum

Jæja þá er ég búinn að skanna um það bil tæplega 70 myndir til viðbótar og setja inn á Flickr síðuna mína.  Það er linkur hér til hliðar þar sem stendur "Flickr síðan mín".  Svo er hægt að smella hér til að fara þangað beint.  http://www.flickr.com/photos/guggaogloi/    Aðallega er að ræða myndir frá 1996 en þá fór fjölskyldan í miklar reisu um Ísland, Danmörk og Noreg.  Þá nokkrar myndir frá fjallgöngu í Héðinsfjörð árið 2000 og að lokum myndir frá fyrstu sólarlandaferð fjölskyldunnar 2002.

 

Myndin sem fylgir er afar skemmtileg. Hún er tekin stutt frá heimili Fríðu og Sigurgeirs í nágrenni Árhúsa 1996.  Endurnar eiga athygli allra. 

Smellið á myndina til að stækka hana.  Tvísmellið til fá hana í fulla stærð. 

Af hverju borðum við heitan mat ?

Ég velti þvi stundum fyrir mér afhverju við leggjum svo mikla áherslu á að borða heitar máltíðir. Er það hollara ? Varla. Er það bragðbetra ? Í einhverjum tilvikum já. Er það ódýrara ? Varla. Er það einfaldara ? Varla. Þetta er allavega rosalega rík hefð.

Sólarströnd

Árið 1996 fór fjölskyldan í heimsókn til Danmerkur og dvaldi m.a. hjá Fríðu og Sigurgeir. Einn góðviðrisdaginn drifu fjölskyldunar sig á sólarströnd skammt frá Arhús. Börnin skemmtu sér hið besta.

Armbeyjur

Það má segja að eitt og annað dúkki upp þegar farið er yfir myndefni.  Kannski hefur fjölskyldan gaman að þessu myndbandi.  Mér finnst það persónulega skondið og svo er strákurinn svo nauðalíkur Rikka.

Hvert leiðir Netið okkur ?

Samfélagssíður eins og Facebook gætu verið að breyta heilanum á okkur. Þetta segir ný rannsókn sem birt var í fræðiritinu „Proceedings of the Royal Society B Biological Sciences“ en litið var á þrívíddar myndir af heilum 125 háskólanema í London.

Rannsóknin sýnir það svart á hvítu að tengsl eru á milli stærðar ákveðna hluta heilans og vinafjöldans á Facebook. Það liggur þó ekki fyrir hvort að Facebook stækki heilann á fólki, eða hvort að fólk sem á auðveldara með að eignast vini og eigi því marga félaga, en heilastöðvarnar tengjast félagslyndi, minni og einhverfu.Taugavefurinn er því stærri hjá þeim sem eiga marga Facebook vini. „Það sem er mest spennandi núna er hvort þessir taugavefir breytist og þróist með tímanum.

Þessi uppgötvun mun aðstoða okkur í því að rannsaka það hvort internetið geti breytt heilanum,“ segir Dr. Ryota Kanai, einn af þeim sem framkvæmdi rannsóknina hjá University College Dublin.

Tekið af vef DV 20.10.11 sem vitnar í frétt BBC

Skrýtið að lesa þetta

Já maður gleymir stundum hversu mikill munur er á uppeldisvenjum milli þjóða, jafnvel vestrænna þjóða.

Í ljósi hefða á Íslandi er hreinlega skrýtið að lesa þetta.

Vilja banna löðrunga í Wales