Skemmtileg ferð

Ferðalagið norður í Skagafjörð var mjög skemmtilegt.  Við fengum 2 gráðu hita fyrstu nóttina og 1 stigs frost þá næstu.  Það var hálfkalt í tjaldvagninum þessar nætur.  Siðan fengum við bara hið besta veður.  Og tjaldvagninn reyndist mjög vel.

Við vorum á ráðstefnunni um langömmu Elinborgu á föstudaginn og gekk hún afar vel.  Flott framtak þessi ráðstefna.  Það mætti um 90 manns.

Á laugardegi vorum við á Sigló og þar var alveg himneskt veður.  Margt hefur breyst þar síðan við vorum þar fyrir um það bil 5 árum síðan.  Komin göng, varnargarðar og búið að fylla upp í tjörnina fyrir framan gamla húsið okkar á Eyrarflötinni....samt sami fallegi bæjarbragurinn.

Á sunnudag vorum við á Akureyri í 20 stiga hita.  Héldum okkur úti allan daginn fyrst í sundi og svo í Kjarnaskógi.

Í dag fórum við svo hringinn í kringum Vatnsnesið.  Skoðuðum Borgarvirki, Hvítserk, seli og æðarvarp.

Myndir koma tæplega strax en ég tók helling...því ég er að leggja strax af stað í aðra ferð á morgun.  Þarf að vera kominn á Rauðasand á miðvikudagskvöld, en þar hefst nokkra daga gönguferð um Látrabjarg, sem ég fer með pabba og mömmu í.

 Nóg að gera.... 

Athugasemdir

[Magnús Már Magnússon (IP-tala skráð) 23.6.2009 kl. 18:11]

Var einmitt í Skagafirðinum um helgina - á ættarmóti í Lauftúni rétt neðan við Varmahlíð. Vorum í tjaldvagni og það bjargaði okkur fyrri nóttina (aðfararnótt laugardags, þegar hitinn fór í 0 gráður) að systir mín var svo forsjál að hafa aukaframlengingarsnúru og foreldrar mínir höfðu rafmagnshitara í húsbílnum sínum sem þau lánuðu mér. Fórum svo á Laugardeginum að Hólum (í frábæru veðri) og áttum þar góðar stundir.

http://www.facebook.com/album.php?aid=17935&id=1620255939&l=23497abb66

[Aprílrós, 23.6.2009 kl. 22:34]

;)