Blessuð drulluveðráttan

Það er að koma aftur rigning.  Það verða að teljast góðar fréttir fyrir þjóðarbúið, því úrkoman viðheldur orkuframleiðslu landsins.   Nú er verið að safna í öll miðlunarlón eins miklu vatni og þau taka svo hægt sé síðar að keyra rafmagnsorkuverin, þótt langvarandi þurkar séu.  Semsagt til þess að framleiða raforku til langframa þarf mikla úrkomu; bæði í föstu og fljótandi formi.

Mér skilst að það taki um það bil þrjá mánuði að auka eða draga úr framleiðslu rafmagns í kjarnorkuverum, meðan það tekur enga stund í vatnsaflsorkuverum.  Olíu- og kolaorkuver eiga ekki í þessum erfiðleikum en menga þess í stað einhver ósköp.

 Já blessaðir jöklarnir með allar sínar jökulár, blessuð kalsarigningin og blessuð slyddan.  Blessuð sé komandi drulluveðrátta og megi hún verða sem blautust.

(Mynd fengin af vef Orkustofnunar)

Athugasemdir

[Aprílrós, 5.10.2008 kl. 22:01]

Svona er Ísland í dag ;)

[Guðrún Jóhannesdóttir, 7.10.2008 kl. 11:58]