Einelti drepur

Fyrir nokkrum árum fór Stefán Karl leikari um landið og hélt marga góða fundi með foreldrum og börnum í landinu.  Í framhaldinu voru Samtökin Regnbogabörn stofnuð.  Á þessum fundum heyrði ég í fyrsta skipti orðasamsetninguna "Einelti drepur". 

Þessi orð hafa oft verið notuð í eineltisumræðunni bæði um andlegan dauða og líkamlegan dauða (þá oftast sjálfsvíg).   Hér í þessari frétt fá þessi orð; "einelti drepur" enn eina víddina.

Þolendur eineltis geta upplifað "helvíti á jörð", svo ógurlegur og niðurbrjótandi er sársaukinn.  Þetta á við þolendur á öllum aldri.  Upplifunin getur verið sú að manneskjan í nánasta umhverfi bregðist siðferðislegri skyldu sinni, þar sem hún aðhefst annaðhvort ekkert til að stöðva eineltið eða tekur þátt í því.  Upplifunin er að vera einn og að fólk almennt sé til alls líklegt og því sé ekki treystandi. Margt að því er beinlínis vont fólk og fær stuðning hinna í atferlinu.  Og oftast er þessi upplifun, því miður, að alltof miklu leiti byggð á raunverulegum aðstæðum.

Matti Juhani Saari varð fyrir einelti og hefur hugsanlega upplifað "helvíti á jörðu".  Upplifað mannvonskuna inn að innsta beini og í kjölfarið gripið til vopna.  Það var komið að honum að lsnúa dæminu við og láta aðra finna fyrir "helvíti á jörðuj".

Ég man ekki til þess að hafa lesið um svona ódæði sem tengist beint einelti.  Það er hinsvegar virkilega óhuganleg tilhugsun ef aðrir ungir þolendur eineltis sjá aðferð Matta, í framhaldinu, sem eftirsókna leið. í sínum sársauka.

Ódæðismaðurinn hringdi í vin

Athugasemdir

[Helgi Hrafn Gunnarsson (IP-tala skráð) 25.9.2008 kl. 10:19]

Mér skilst að það sé tiltölulega dæmigert að einelti komi við sögu í svona málum.

[Lilja Ingimundardóttir, 25.9.2008 kl. 10:47]

Það er ofstst þannig að skotárásir í skólum tengist einelti.

Þetta er allavega í annað sinn sem þetta gerist í Finnlandi og er ekki einsdæmi í heiminum. Þetta hefur gerst Kanada, (að sjálfsögðu) í Bandaríkjunum og í Þýskalandi (en þar beindist skotárásin í skóla í Erfurt að kennurum en ekki samnemendum).

Hver hérna man eftir myndinni The Basketball Diaries frá 1995? Einhverjir hafa haldið því fram að sú mynd hafi verið kveikt hugmyndina hjá Eric og Dylan í Columbine-skólanum

[Guðbjörg Oddsd (IP-tala skráð) 25.9.2008 kl. 11:10]

Það er auðvitað ömurlegt til þess að hugsa að einhverjum líði svo illa að þetta sé eina lausnin, en einelti er ömulegt böl fyrir þann sem í því lendir.

Börn og ungmenni í dag geta líka verið ansi ,,vond" og miskunnarlaus hvert við annað.

kv

Guðbjörg Oddsd.