Sniðganga N1 ?

Ættum við að sniðganga N1 ?    Kannski bara.  Allavege er N1 er eina olíufélagið sem ekki hefur verð á olíu sinni á heimsíðu sinni.  Verð þeirra er ekki hægt að bera saman á www.gsmbensin.is , þar sem verðsamanburður á olíu og bensíni er neytendum hvar skýrastur.  Þetta finnst mér slæm neytendapólitík hjá fyrirtækinu.  Svona gylliboð koma engum ljóma á reksturinn í mínum augum.

Í mínum huga er valið skýrt.  Ég bý stutt frá N1 þjónustumiðstöð en versla þar aldrei.   Ég versla við fyrirtækin sem sýna sig í að vera með lægsta verðið dag eftir dag og viku eftir viku...og það eru Orkan og ÓB. 

10 króna afsláttur af bensíni

Athugasemdir

[Balsi (IP-tala skráð) 1.7.2008 kl. 15:11]

Þú verslar semsagt við Shell og Olís!

[Eyjólfur Sturlaugsson, 1.7.2008 kl. 15:23]

Já...bara þar sem verðið er að jafnaði lægst.  Og merkilegt er að skoða það að t.d Atlasolía er þar nær aldrei.

[Eyjólfur Sturlaugsson, 1.7.2008 kl. 15:26]

Hversu há eru verðin í N1 miðað við önnur félög...veit það einhver ?

[Ingólfur, 1.7.2008 kl. 15:50]

Átti ekki einmitt að sniðganga þessi félög svo þau mundu lækka verðið hjá sér.

Mér finnst að fólk eigi endilega að kaupa hjá þeim sem bíður 10 króna afslátt meðan sá afsláttur gildir.

[Karma (IP-tala skráð) 1.7.2008 kl. 16:11]

Á N1 ekki Orkuna?  Eða er það Shell?

[Landfari, 2.7.2008 kl. 19:08]

Það er svo ótrúlegt hvað Íslendingar geta verið grunnhygnir. Orkan og /eða ÓB hafa auglýst að þeir séu leiðandi í lágu bensínverði. Landinn kokgleypir þetta og prísar sig sælann að eiga svona góða að.

Málið er að það hefur engri samkeppni stafað að hinum þrem stóru af þessum félögum enda í þeirra eigu. Það skipti engu máli hvað N1 (þá Esso) hækkaði verðið mikið, hin fylgdu alltaf á eftir en voru sínum 10 eða 20 aurum undir.

Það var ekki fyrr en Atlantsolía kom inn á markaðinn sem það skapaðist samkeppni hérna. Esso hækkaði en öfugt við gerfisamkeppnisaðilana hækkaði Atlantsolía ekki. Eftir tvo daga lækkaði Esso aftur. Þetta var alvöru samkeppni.

Það sýndi sig líka að Orkan/ÓB höfðu lægra verð á sínum stöðvum sem voru nálægt Atlantsolíustöðvunum. Þetta var þvílíkur blekkingarleikur en því miður gekk hann svo vel í landann að Atlantsolía virðist hafa séð að það borgaði sig ekki að veita alvöru samkeppni. Kúnnin mat það ekki við þá að veita alvöru samkeppni heldur versluðu jafnt við þessi gerfifélög sem gerðu það sem þau gátu til að drepa samkeppni með því að vera alltaf 10 aurum undir en bara í kringum Atlantsolíustöðvarnar.

Því miður virðist það hafa tekist, allavega er Atlantsolía núna alltaf búið að hækka um leið og hinir.

[Eyjólfur Sturlaugsson, 3.7.2008 kl. 09:59]

Það er nú varla ÓB eða Orkunni að kenna að nú er Atlantsolía hvergi með lægsta verð samkvæmt www.gsmbensin.is