Kannski er bara rétt ...

Maður er nú afar efins hvort það sé réttlætanlegt að fara út í skærhernað í umferðinni.  En hugsanlega er það hinsvegar rétt hjá vörubílsstjórnum að aðrar leiðir til þess að fá ríkið til að minnka hlutdeild sína í verðlagningu olíu hafi ekki virkað neitt hingað til.

Og innst inni hefur maður náttúrulega ekkert á móti því að olía og bensín lækki.  Kannski er bara rétt að ganga í lið með blessuðum vörubílstjórnunum.

Aðgerðir á Reykjanesbraut

Athugasemdir

[Björn Helgason (IP-tala skráð) 30.3.2008 kl. 10:07]

Það er af og frá að það að stöðva umferð og vera með valdsaðgerðir eigi rétt á sér sama hver málstaðurinn er.

 Þetta er lögbrot og ekki að ástæðulausu.

 Þar að auki ættu gjöldin á trukkunum að vera hærri og ekki lægri.

Trukkarnir skemma vegina  mun meira en fólksbílar.

Hitt er svo annað mál að samgöngur á Íslandi eru frekar bágbornar og vantar allt sem  heitir almenningssamgöngur og ekki síður farvegur fyrir þungaflutninga.

Lestarsamgöngur væru gott skref í áttina.

 Lest sem færi einn hring í kringum landið á hverjum sólarhring gæti skilað vörum og farþegum mun betur og öflugar en núverandi kerfi.

Gatnakerfið er engan veginn hannað fyrir þá umferð sem um kerfið fer.

Skipasamgöngur lögðust af þar sem hafnarmál stóðust ekki tímans tönn og lélegt troðningakerfi landsins lagði skipaflutningana.

[Björn Helgason (IP-tala skráð) 31.3.2008 kl. 19:46]

Það er greinilegt að aðal ástæðan fyrir uppátæki bílstjóranna er að þeir vilja fá að geta sofið undir stýri.

 Þeir eru sem sagt að krefjast þess að þurfa ekki að hvíla sig með reglulegu millibili.

 Þeir beina samt athygli almennings að háu eldsneytisverði sem auðvitað er óvinsælt.