Guð valdi konur...

Konur gegdu hlutverki fyrstu upprisuvottanna og voru fyrstar til að flytja áfram fréttirnar af tómu gröfinni. Konur höfðu vissulega ekki sama rétt og karlar í því þjóðfélagi sem Kristur lifði og starfaði í. Þar var litið á konur sem annars flokks þegna og þæ t.d. ekki taldar vitnisbærar fyrir dómstólum. Því koma viðbrögð karllærisveinanna, þegar konurnar fluttu þeim fréttirnar af hinum upprisna, ekki á óvart. Í 24. kafla Lúkasarguðspjalls segir m.a.:

Og þær minntust orða hans, sneru frá gröfinni og kunngjörðu allt þetta þeim ellefu og öllum hinum. Þessar konur voru þær María Magdalena, Jóhanna og María móðir Jakobs og hinar, sem voru með þeim. Þær sögðu postulunum frá þessu. En þeir töldu orð þeirra markleysu eina og trúðu þeim ekki. (Lk 24.8-11)

Engu að síður urðu orð kvennanna til þess að Pétur hljóp sjálfur út að gröfinni til þess að komast að hinu sanna í málinu.

Athugasemdir

[DoctorE (IP-tala skráð) 24.3.2008 kl. 11:38]

Guðspjöllin enduðu fyrir upprisu, síðar var bætt við þau til þess að gera þau áhugaverðari.

Þú segir ljós varpar aldrei skugga á ljós... ekki rétt per se því ljós getur hæglega lýst svo bjart að þú sjáir ekki eitthvað sem lýsir af minni styrk.