Brottnám... kannast einhver við það ?

Á fimmtudagskvöld sótti eitthvað á mig og þegar leið á kvöldið var ég orðinn "þreyttari"  í höfðinu en ég á vanda til.  Á föstudagsmorgni gat ég ekki lesið blöðin, það var eins og það vantaði afruglara í höfðið á mér. Enginn fókus.  Fylgdi þessu einnig svimi.  Lá því sem rotaður mestallan þann daginn.  Varð að melda mig veikann í vinnunni.

Eitthað er mér nú að skána því ég sé núna allavega á tölvuskjá.  Hef ekki hugmynd hvað er hér á ferðinni.  Hallast ég helst að því að hafa orðið fyrir brottnámi, þ.e geimverur hafa náð mér út fyrir tímasvið jarðar, gert athuganir á heilanum og skilað mér aftur.  Sumir segja að maður verði hreint ekkert var við brottnám en aðrir segja að í kjölfarið geti fylgt slappleiki, sérstaklega fyrir höfði.  Bað Guggu um að athuga vel á mér höfuðskelina í morgun, því stundum koma geimverurnar fyrir búnaði í höfðinu og búa þá til litla ístungu, sem er falin í hárinu, svo auðveldra sé næst að tengja heilann á manni við prógrömm hjá þeim.  Höfuðkúpan virðist vera alveg heil.   Það verður svo bara að koma í ljós næstu daga hvort ég hef verið prógrammaður upp á nýtt.

 

Athugasemdir

[Brjánn Guðjónsson, 23.2.2008 kl. 12:58]

hef einmitt verið með smá seiðing í höfðinu líka. þannig að þú varst þá hinn gaurinn í geimskipinu?

[Guðrún Jóhannesdóttir, 23.2.2008 kl. 14:48]

Það verður fróðlegt að fylgjast með ykkur Brjáni eftir þetta brottnám

Góða og geimverulausa helgi