Er allt að koma...held ég

Ætli fjölskyldan á Víðivöllum 14 sé ekki orðin nokkuð örugg með að það verði haldið uppá jólin með svipuðum hætti og undan farin ár.  Búið að öllu hinu og þessu svo nú er hægt að slaka aðeins meira á og bíða jólanna.  Nokkur hefðbundin verk þó eftir; sjóða hangikjötið, skreyta jólatréð og strauja jólafötin.

Við Gugga og Rikki vorum í bænum áðan, eða frá kl. 17. 00 - 21.00 og náðum að gera ótrúlega margt.  Rifjaðist upp fyrir mér þegar ég gekk inn og út úr verslnunum að það mun víst vera að færast í vöxt að fólk helli sér yfir verlsunarfólkið.  Er talið að þar sé tvennu um að kenna; annarsvegar að fólk sé almennt strektara og spenntara en undanfarin ár og svo að sífellt yngri og óreyndari starfsmenn eru að afgreiða og fá út á það minni virðingu.  Börnin mín hafa svo sem oft haft orð á þessu en þau hafa öll unnið við afgreiðslu.

 

Athugasemdir

[Guðrún Jóhannesdóttir, 23.12.2007 kl. 23:15]

Gleðileg Jól Lói minn, skilaðu kveðju til mömmu þinnar :)

[Hulda Brynjólfsdóttir, 24.12.2007 kl. 00:54]

Gleðileg jól, frændi sæll. Bestu kveðjur til allra og hafðu það gott á nýja árinu.