Nú borða ég vínber

Þegar ég var lítill strákur vestur í Dölum þekkti ég fáa ávexti.  Epli, apelsínur, krækiber og bláber.  Ég man ekki hvenær ég fékk banana fyrst eða peru.  En ég man þegar ég fékk fyrst melónu og grape svo dæmi séu nefnd.  Og ég man það líka að á jólunum fengust fleiri ávextir en venjulega í Kaupfélagi Saurbæinga á Skriðulandi. Til dæmis voru vínber þá sérstaklega keypt og höfð til hátíðarbrigða.

Nú tæpum 40 árum síðar borða ég vínber oft í viku í öllum regnbogas litum; græn, rauð og blá.  Sum eru meira að segja steinalaus.  Og á jólunum finnast engir ávextir lengur sem hægt er að kaupa og hafa til hátíðarbrigða.

Athugasemdir

[Baldur Kristjánsson, 11.9.2007 kl. 22:22]

Notalegt að heyra talað um Kaupfélag Saurbæinga Skriðulandi. kv. B

[Guðrún Vala Elísdóttir, 12.9.2007 kl. 00:20]

ég fæ aldrei mandarínur nema í kringum jólin, en þær kannski fást á Selfossi allt árið um kring?