BUGL

Barna- og unglingageðdeild Landspítalans annar ekki þörf á sínu sviði.   Börn og unglingar hafa með aðstandendum þurft að bíða lengi, stundum talið í árum, eftir meðferð.   Bráðtilfelli fá forgang, þ.e þegar svo illt er í efni að hætta stafar af.   Ef barni t.d mistekst að taka líf sitt, þá fær það inni á BUGL....en ekki á meðan vandi þess var minni.

Þessi bága staða barna og unglinga með geðraskanir heldur velli árum saman þótt rækilega sé á stöðuna minnt í ræðu, riti og í sjónvarpi.  Aðstandendur, læknar og fjölmiðlafólk reynir hvað eftir annað að koma málum á hreyfingu og fá ríkisvaldið til að bæta stöðu þessa þjáða fólks.  

Efitt að skilja þetta í landi þar sem smjör drýpur af hverju strái.

Athugasemdir

[Sædís Ósk Harðardóttir, 24.4.2007 kl. 22:33]

Þetta er skelfilegt ástand þarna á BUGL og það verður að vera fyrsta verkefni nýrrar stjórnar að veita aukið fjármagn þarna inn.  Líf allt of margra barna og unglinga er í hættu og þvi megum við ekki una.

kv. Sædís