Hvítasunnuhelgin

Ætlaði að vera búinn að segja ferðasöguna fyrir löngu.  En á föstudaginn fyrir Hvítasunnu fórum við vestur í Dali; ég Gugga, Rikki og Jana vinkona Rikka.  Veðrið á föstudagskvöldinu var afar fallegt og Dalirnir heilluðu. 

Laugardagurinn var notaður í að pikkast aðeins í garðinum hennar mömmu og svo fórum við í sund á Reykhólum og þaðan í kaffi á Reykjarbrautinni hjá Gústa og Herdísi.  Nauðsynlegt að fá svona af og til fréttir af mannlífinu í Reykhólasveitinni.  Svo enduðum við aftur í bláa húsinu á Brunná og grilluðum og fl.

Sjálfan Hvítasunnudaginn var lagt snemma að stað og ferðinni heitið í Vesturbyggð, nánar tiltekið í Örlygshöfnina, þar sem mamma og pabbi hafa fært búsetu sína.  Hvítasunnusteikin beið okkar þar og svo síðdegis skoðuðum við safnið sem mamma stýrir á Hjóti.  Eftir svartfuglsegg og einhverjar Arnfyrskar hveitibökur var svo haldið aftur heim í bláa húsið.

Mánudagurinn var notaður m.a í langa fjallgöngu.  Tiltekt  og síðan ekið heim á Selfoss.   Frábær ferðahelgi að baki með brúklegu veðri mestallan tímann.

Athugasemdir

[Ingi Heiðmar Jónsson (IP-tala skráð) 9.6.2006 kl. 21:15]

Mikið er gott að geta kíkt til samstarfsmanna sinna í bloggsíðuna þeirra og þakka fyrir ljúft og gott samstarf síðasta vetur. Hugmynd þín um að óska eftir hugmyndum hvert fara skyldi í kennaraferð að ári eða svo fannst mér mjög snjöll og gefa okkur starfsmönnum tækifæri bæði til að velja stað og ekki síður að taka þátt í að skapa umgjörð og undirbúning ferðarinnar. Bestu sumaróskir til ykkar hjóna og fjölskyldunnar frá Heiðmari.