Og fast þau sóttu berin og sækja enn

Fjölskyldan fór í dag í berjaferð. Farið var í Barmahlíðina þar sem fundust hin dámsamlegustu ber. Ekki var nú nein veðurblíða; norðan belgingur, kuldi, skúrir og hálf "klikkað" að skella sér í berjaferð. Veðrið varð síðan, þegar á daginn leið, ekki næstum eins blautt og útlit var fyrir. Og svo sáum við, okkur til hughreystingar, fullt af álíka "vitleysingum" hingað og þangað í berjamó í veðrinu. Fylgja hér tvær "kaldar" myndir af berjagörpunum.