Sumar & hiti

Fyrsti alvöru sumardagurinn er í dag hér á Selfossi.  Hitinn orðin svo hár á íslenskan mælikvarða að hægt er að vera úti án þess að fara í utanyfirhöfn.  Og  í kvöld koma allir þessir ljósu Íslendingar  meira eða minna rauðir inn úr birtunni.  Þol húðarinnar fyrir sól er með minnsta móti á Íslandi og þeir ekki alveg tilbúnir.   Ekki er enn búið að kaupa sólarvarnarkremið.

Þökk sé vísindum að til er sólarvörn, sem er bráðnauðsynleg vara meira eða minna allt sumarið.  Fyrir mig hinn ljósa mann er sólarvörn himnasending.  Sem barn brann ég og brann alla fergurstu sumardagana.  Notað voru þau krem sem til voru og sett Nivea að júgursmyrsli á brunan að kveldi. Næsta dag varð maður að vera í peysu upp í háls hversu gott sem veðrið kynni að vera.

 En núna getur maður leyft sér að sitja eða ganga  á góðviðrisdögum léttklæddur í sólinni.  Meira segja orðið pínulítið brúnn.   Já þökk sé blessuðum sólarvarnarkremunum öllum.

Athugasemdir

[Svava Pétursdóttir (IP-tala skráð) 8.5.2006 kl. 22:40]

Te en ekki kaffi, varð bara að skella smá athugasemd hér við fyrri færslu frá þér. Ég sé að þú hefur aftur verið að uppgötva það sem við komumst að 1988 þá bláfátækir námsmenn í æfingakennlu. Þá kostaði kaffibollinn 15 kr. í mötuneyti Kennaraháskólans og ekki gefið að svolgra mikið af því á hverjum degi. Svo fórum við vestur á Laugar í æfingakennlu og fengum, kaffi á 40 mínútna fresti, ótakmarkað og ókeypis, eftir nokkra daga var ég hreinlega komin með koffíneitrun og þú að mig minnir líka, svitakóf, svimi og svefnleysi. Hef reynt síðan að stilla kaffi neyslu í hóf en það er enn svo handhægt að dæla þessu biksvörtu í bollann í stuttum frímínutum í stað þess að vera að föndra við te, svo fögur fyrirheit vilja gleymast í dagsins önn. Kaffikveðja Svava