Safna jólaorku eða bíð eftir áfallahjálp

Ég þarf að fara að safna saman minni jólaorku, svo ég hafi það nú af að setja upp  jólaseríur í húsið.  Er núna að klára stóra ritgerð sem ég skila á mánudaginn.  Hlýt að fyllast jólaanda eftir það og drífa í jólaskreytinum.

Ég hef hinsvegar ekki haft neina lyst til að taka eina einustu mynd eftir að diskur með 2000 fullunnum myndum stafrænum myndum fór í gólfið og eyðilagðist.  Einu myndirnar sem eftir eru, eru hér á síðunni og svo um 100 á flikr síðunni minni.

Held að ég verði að fá síðbúna áfallahjálp svo ég byrji aftur að taka myndir.