Vá

Kominn heim úr 4 daga ferð um Látrabjarg og Rauðasand.  Tók 300 myndir.  20 stiga hiti og sól allan tímann.  Myndir koma seinna.

Vá

Skemmtileg ferð

Ferðalagið norður í Skagafjörð var mjög skemmtilegt.  Við fengum 2 gráðu hita fyrstu nóttina og 1 stigs frost þá næstu.  Það var hálfkalt í tjaldvagninum þessar nætur.  Siðan fengum við bara hið besta veður.  Og tjaldvagninn reyndist mjög vel.

Við vorum á ráðstefnunni um langömmu Elinborgu á föstudaginn og gekk hún afar vel.  Flott framtak þessi ráðstefna.  Það mætti um 90 manns.

Á laugardegi vorum við á Sigló og þar var alveg himneskt veður.  Margt hefur breyst þar síðan við vorum þar fyrir um það bil 5 árum síðan.  Komin göng, varnargarðar og búið að fylla upp í tjörnina fyrir framan gamla húsið okkar á Eyrarflötinni....samt sami fallegi bæjarbragurinn.

Á sunnudag vorum við á Akureyri í 20 stiga hita.  Héldum okkur úti allan daginn fyrst í sundi og svo í Kjarnaskógi.

Í dag fórum við svo hringinn í kringum Vatnsnesið.  Skoðuðum Borgarvirki, Hvítserk, seli og æðarvarp.

Myndir koma tæplega strax en ég tók helling...því ég er að leggja strax af stað í aðra ferð á morgun.  Þarf að vera kominn á Rauðasand á miðvikudagskvöld, en þar hefst nokkra daga gönguferð um Látrabjarg, sem ég fer með pabba og mömmu í.

 Nóg að gera.... 

Skreppum norður

Í dag förum við Gugga og Rikki norður í Skagafjörð og á Siglufjörð og komum aftur á Sunnudaginn eða mánudaginn.  Fer svona eftir veðri.

Á morgun er ráðstefna um Elinborgu Lárusdóttur rithöfund í Varmahlíð í Skagafirði.  En Elínborg var langamma min svo það er tilhlýðilegt að fara á ráðstefnuna.

Notum svo laugardaginn til að skreppa á Sigló, en það er orðið býsna langt síðan við vorum þar síðast.

Gatan mín

Víðivellirnir á Selfossi er gömul og gróin gata og það sem einkennir götumyndina öðru fremur er mikið af fallegum reynitrjám í görðum.  Þessi tré eru afar sérstök með það að þau blómstra fallega og bera síðan fallega rauða berjaklasa.  Þegar trén eru í blóma leggur sætan angan um götuna og þegar blómin falla eru gangstéttirnar þakktar hvítum blómum.  Þannig er tréð allt sumarið meira eða minna öllum til yndisauka.

Ein mynd með sem ég náði af blómum reynitrés í mínum garði.

Svona eiga menn að vera

Frábært framtak hjá Grétari og ljóst að fer ekki inn markaðinn þar sem hann er stærstur.  Grétar er Siglfirðingur í húð og hár og hann lætur æskustöðvarnar ganga fyrir hugsanlegri hagnaðarvon.

Svona eiga menn að vera.

Nokkuð sem mig hefur lengi langað til að gera

Ljósmyndakeppni

Nú í sumar fer fram ljósmyndakeppni á vegum Morgunblaðsins og Canon á Íslandi.   Allir mega taka þátt og reglurnar eru einfaldar.  Alltaf gaman að líta við á vefnum og skoða skemmtilegar og fjölbreyttar ljósmyndir.  Slóðin er hér: http://mbl.is/mm/folk/ljosmyndasamkeppni/index.html

Galtarholt

Ég mamma, pabbi og Rikki skruppum í Galtarholt sem er eyðijörð í eigu fjölskyldunnar og er staðsett Landeyjum.  Tilgangurinn var að taka nokkrar myndir og skoða jörðina að sumarlagi.  Jörðin er mjög stór og endaði þetta með allnokkrum göngutúr um eignina.  Það voru teknar nokkuð margar myndir og ég læt þær síðar hér inn.  Læt þó þessa fylgja en Rikki tók hana.

Stulli búinn með grunnskólann

Þá er Stulli búinn með grunnskólann.  Útskriftin var í gærkveldi í Vallaskóla og var hin glæsilegasta.  Stulli hyggur á nám í Fjölbrautaskóla Suðurlands næsta vetur og verða þau þá þrjú systkinin þar fram að jólum.

Dugar þetta ?

Er þetta ekki grunnsamlega lítill munur ?  Þurfum við ekki miklu meiri jákvæðan vöruskiptajöfnuð ef við ætlum að greiða upp erlendar skuldir ?  Hefði haldið að þessi tala ætti að vera svona þrisvar sinnum hærri. 

Hversu mikill ætli lekinn á gjaldeyrishöftunum sé í rauninni ?  Varla er gott að stjórna landinu ef enginn veit hvert útfluttningsverðmætið er í rauninni.

Afgangur af vöruskiptum

Nokkrar vormyndir komnar inn

Náði að taka nokkrar myndir í Dölum undanfarna daga.   Ég náði m.a að mynda stæðilega hunangsflugu við störf sín.  Var að setja myndirnar inn.  http://loi.blog.is/album/vormyndir_09/